އެމްޓީސީސީގެ ފެރީއެއް ދަތުރުކުރަނީ. (ފައިލް ފޮޓޯ/ އެމްބީއާރު)
ޓީޖެޓީއަށް ކައިރި ކުރާ ފެރީތަކުން އަނެއްކާވެސް މީޓަރަކަށް 10ރ. ނަގަނީ
މާލޭ ޓީޖެޓީ ސަރަހައްދުގައި އެހެން ރަށްރަށުގެ ފެރީ އުޅަނދުތައް ބަނދަރުކުރަން، އުޅަނދުގެ ދިގުމިނަށް ބަލައިގެން މީޓަރަކަށް 10ރ. އަނެއްކާވެސް ނަގަން އެމްޕީއެލް އިން ނިންމައިފި އެވެ.
އެނގުން މުހިންމު - ކޮވިޑް-19ގެ ސިއްހީ ކުއްލި ނުރައްކަލުގެ ހާލަތު ދިމާވުމުގެ ކުރިން އެ ސަރަހައްދުގައި ފެރީތައް ބަނދަރުކުރުމަށް ނަގަމުން ދިޔައީ އުޅަނދުގެ ދިގުމިނުން، މީޓަރަކަށް 10ރ. އެވެ. ނަމަވެސް، ކޮވިޑްގެ ހާލަތާ ހެދި ލުޔެއް ދިނުމަށް އެމްޕީއެލްއިން އިން ވަނީ އެ ފީ އުޅަނދުގެ ދިގުމިނުގެ މީޓަރަކަށް 1ރ.އަށް ބަދަލުކޮށްފަ އެވެ.
ވީ ކިހިނެއް؟ - އެ ލުއި އުވާލަން ނިންމާފައިވާކަން އެމްޕީއެލްއިން ވަނީ އިއްޔެ އިއުލާނުކޮށްފަ އެވެ.
ބުނީ ކީކޭ؟ - އެ ކުންފުނިން އިއްޔެ ކުރި އިއުލާނުގައި ބުނެފައި ވަނީ:
-
މާލޭ ހުޅަނގު ދެކުނު ބަނދަރަށް ފެރީ ކައިރިކުރާ ވަގުތުން ފެށިގެން އުޅަނދުގެ ދިގުމިނުގެ މީޓަރަކަށް ގަޑިއަކު ނަގަމުން އަންނަ 1ރ.ގެ ބަދަލުގައި ކުރިން ވެސް ނަގަމުން އައި ގޮތަށް އުޅަނދުގެ ދިގުމިނުގެ މީޓަރަކަށް ގަޑިއަކު 10ރ. ނަގަން ނިންމާފައިވާ ކަމަށް
-
އުޅަނދުގެ ދިގުމިނުގެ މީޓަރަކަށް 10ރ. ނަގަން ފަށާނީ އަންނަ މަހުން ފެށިގެން
އެ ކުންފުނިން ބުނި ގޮތުގައި، އެ ބަދަލު ގެނައީ، ކޮވިޑާ ގުޅިގެން އިއުލާނުކުރި ސިއްހީ ކުއްލި ނުރައްކާގެ ހާލަތު މިހާރު އުވާލައި އާންމު ހާލަތަކަށް ބަދަލުވެފައިވާތީ އެވެ.