ދިރާގު މޯލްޑިވްސް ރޯޑް ރޭސްގެ 15 ވަނަ ދުވުން އަަންނަ އަހަރުގެ 25 އޮކްޓޯބަރުގައި

ދިރާގު މޯލްޑިވްސް ރޯޑް ރޭސްގެ 15 ވަނަ ދުވުން އަންނަ އަހަރުގެ 25 އޮކްޓޯބަރުގައި ބާއްވާނެކަން ދިރާގުން ވަނީ އިއުލާންކޮށްފަ އެވެ.

މިއީ ރާއްޖޭގައި އެންމެ ބޮޑުކޮށް އަދި އެންމެ ފޯރިގަދަކޮށް ބާއްވާ އެއް ދުވުމެވެ. މި އަހަރުގެ ރޯޑް ރޭސް 27 ގައުމެއްގެ ދުވުންތެރިންނާ އެކު 27 އޮކްޓޯބަރުގައި ބޭއްވި އިރު 4،000 އަށް ވުރެ ގިނަ މީހުން ބައިވެރިވި އެވެ.

ވަނަވަނައަށް ދާ މީހުންނަށް އިނާމު ދީ، އަމިއްލަ ޖަމްއިއްޔާތަކަށް ފައިސާ ހަދިޔާކުރާ މި ހަރަކާތުގެ މި އަަހަރުގެ ރޭސް ދިރާގުން ބާއްވާފައިވަނީ ތިން އަހަރުގެ މެދުކެނޑުމަކަށް ފަހު އެވެ. އަދި އެ ކުންފުނިން މި އަހަރު ވަނީ ރޯޑް ރޭހަށް ހާފް މެރެތަން އިތުރުކޮށްފަ އެވެ. 

އަންނަ އަހަރަކީ ވެސް ދިރާގު ރޯޑް ރޭހަށް ބޮޑު އަހަރަކަށް ވެގެން ދާނެ އެވެ. އެހެންކަމުން ސީރިއަސް ދުވުންތެރިންނާއި ހޮބީއަށް ދުވާ މީހުން ވެސް، އާއިލާ އާއި ރައްޓެހިންނާ އެކު އުފާވެރި ވަގުތުކޮޅެއް ހޭދަކޮށްލަން ދުވެލަން ނުކުންނަން މިހާރުއްސުރެ މި ތާރީހު ކަލަންޑަރަށް ލާންވީ އެވެ. އަދި ތައްޔާރީތައް ވާން ފަށަންވީ އެވެ.