ކެންސަރު ދުވަސް ފާހަގަކުރުމަށް ހުޅުމާލޭގައި ހާއްސަ ހަރަކާތެއް

ކެންސަރު ބައްޔާ ގުޅޭގޮތުން މައުލޫމާތު ދީ ހޭލުންތެރިކުރުމުގެ ހަރަކާތެއް ހުޅުމާލޭގައި މިއަދު ކުރިއަށް ގެންދިޔުމަށް ކެންސާ ސޮސައިޓީ އޮފް މޯލްޑިވްސް އިން ތައްޔާރުވެއްޖެ އެވެ.

މިއަދު ފާހަގަ ކުރާ ދުނިޔޭގެ ކެންސަރު ދުވަހަށް ހާއްސަ މި އިވެންޓް އޮންނާނީ، ކެންސާ ސޮސައިޓީ އިން ބުނި ގޮތުގައި، ހުޅުމާލޭ ސެންޓްރަލް ޕާކުގައި މިއަދު ހަވީރު 4 އިން 6 އަށް އަދި ރޭގަނޑު 8 އިން 10 އަށެވެ.

އިވެންޓްގައި މައިގަނޑު ގޮތެއްގައި އޮންނާނީ ކެންސަރާ ގުޅޭ އެކި މައުލޫއުތަކާ ބެހޭގޮތުން ވާހަކަދައްކައި މައުލޫމާތު ދިނުމާއި ހޭލުންތެރިކުރުމުގެ ހަރަކާތްތަކެވެ. އެގޮތުން:

ކުރެހުމުގެ މައުރަޒަކާއި އާޓްގެ ހަރަކާތްތަކެއް ވެސް ހިމެނޭ މި އިވެންޓްގައި ކުޑަކުދިންނަށް ހާއްސަ ކަންކަން ވެސް ހިމެނެ އެވެ. އެގޮތުން، ކުޑަކުދިން ގަޔާވާ ކަހަލަ ކަންކަން ކަމުގައިވާ ޕޯސްޓަރު ހެދުން، ޕަޒްލް ޕެއިންޓިން އަދި ސްނޭކް އެންޑް ލެޑާ އަދި ޓިކް ޓެކް ޓޯ ފަދަ ގޭމްތައް ކުޅުވޭނެ އެވެ.

ރާއްޖޭގައި ކެންސަރު ޖެހުން މަދު ކުރުމާއި ކެންސަރުގެ އަސަރުތައް ކުޑަކުރުމަށް މަސައްކަތް ކުރާ ކެންސާ ސޮސައިޓީން އަންނަނީ، ހޭލުންތެރިކުރުމުގެ ޕްރޮގްރާމްތައް ހިންގުމުގެ އިތުރުން، ކެންސަރު ބަލި ތަހައްމަލް ކުރާ މީހުންނަށް އެހީތެރިކަން ފޯރުކޮށްދެމުންނެވެ. މެންބަރުން ގޮތުގައި 190 އަށް ވުރެ ގިނަ މީހުން ތިބި ޖަމްއިއްޔާގެ ހިދުމަތްތަކުގެ ތެރޭގައި، މީގެ ހަތް އަހަރު ކުރިން ތައާރަފްކުރި ކެންސާ ސަޕޯޓް ގުރޫޕު ހިމެނެ އެވެ.