ދި އާޗީސް
'ދި އާޗީސް' ރިލީޒްކުރާ ތާރީހު އިއުލާން ކޮށްފި
އިންތިޒާރު ބޮޑު 'ދި އާޗީސް' ނެރޭ ތާރީހު އެންމެ ފަހުން އިއުލާން ކޮށްފި އެވެ.
އެމެރިކާގެ މަޝްހޫރު ކޮމިކް ސިލްސިލާ އަށް ބިނާކޮށްފައިވާ ބޮލީވުޑް މިއުޒިކަލް ފިލްމު ރިލީޒް ކުރާނީ 7 ޑިސެމްބަރުގަ އެވެ. އެކަން ހާމަކުރީ އެ ދުވަހަށް ކައުންޓްޑައުންއެއް ހިމެނޭ ގޮތަށް މުމްބާއީގެ ހައިވޭއެއްގައި ބިލްބޯޑެއް ބަހައްޓާފައި ހުރި ތަނަށް ގޮސް ފިލްމުގެ ތަރިން އުފާފާޅުކުރާ ތަން ފެންނަ ވީޑިއޯއަކުންނެވެ.
ޒޯޔާ އަހުތަރް ޑައިރެކްޓް ކުރާ 'ދި އާޗީސް' އަކީ ބޮލީވުޑްގެ ތަޖުރިބާކާރު މަޝްހޫރު ތަރިންތަކެއްގެ ދަރިން ފިލްމީ ދުނިޔެއަށް ތައާރަފް ކުރާ ފިލްމެކެވެ. އެއީ ޝާހު ރުކް ހާންގެ ދަރިފުޅު ސުހާނާ ހާން، ޝްރީދޭވީ އާއި ބޮނީ ކަޕޫރުގެ ދަރިފުޅު އަދި ޖާންވީ ކަޕޫރުގެ ކޮއްކޮ ހުޝީ ކަޕޫރު އަދި އަމީތާބު ބައްޗަންގެ ކާފަ ދަރިފުޅު އަގަސްތުޔާ ނަންދާ އެވެ.
ސުހާނާ ހާން ކުޅެފައިވަނީ ވެރޯނިކާ ލޮޖުގެ ބަ އެވެ. ހުޝީ ތަމްސީލުކޮށްދޭނީ ބެޓީ ކޫޕާގެ ކެރެކްޓާ އެވެ. އަދި އަގަސްތުޔާ ފެންނާނީ އާޗީ އެންޑްރޫސްގެ ގޮތުގަ އެވެ.
އޭގެ އިތުރުން މިހިރް އަހޫޖާ، ޑޮޓް، ޔުވްރާޖް މެންޑާ އަދި ވިޑަންގް ރައިނާ ވެސް މި ފިލްމުން ފެންނާނެ އެވެ.