ދިރާގުން 5ޖީ ރައުޓާ ހިލޭ ލިބޭ ޕްރޮމޯޝަންގެ މުއްދަތު އިތުރުކޮށްފި

ހިލޭ 5ޖީ ރައުޓަރު ލިބޭ ޕްރޮމޯޝަންގެ މުއްދަތު ދިރާގުން އިތުރުކޮށްފި އެވެ.

ވީ ކިހިނެއް؟ - ދިރާގުން މި ޕްރޮމޯޝަން ކުރިއަށް ގެންދަނީ 5ޖީ ޓާބޯ 749ގެ ޕްލޭން އާއި އެއަށް ވުރެ މަތީ ޕްލޭންތައް ނަގާ ކަސްޓަމަރުންނަށް އަމާޒުކޮށްގެންނެވެ. މިހާރު ހަމަޖައްސާފައި ވަނީ 31 ޑިސެމްބަރު 2024ގެ ކުރިން އެ ޕްލޭންތައް ނަގާ ކަސްޓަމަރުންނަށް 5ޖީގެ ރައުޓަރެއް ހިލޭ ލިބޭ ގޮތަށެވެ.

ތަފްސީލް - ދިރާގުގެ މެނޭޖަރު އެކުއިޒިޝަންސް އެންޑް ސީއެލްއެމް ޖަނާ އިބްރާހިމް ވިދާޅުވީ 5ޖީ ޓާބޯ ވައިފައިއާ އެކު ތަފާތު އަގުތަކާއި އެލަވަންސްތަކުގެ ޕޯސްޓްޕެއިޑް އާއި ޕްރީޕެއިޑް ޕްލޭންތައް ކަސްޓަމަރުންނަށް ހިޔާރުކުރެވޭނެ ކަމަށެވެ.

"އަޅުގަނޑުމެން އަބަދުވެސް މަސައްކަތް ކުރަމުން ދަނީ ކަސްޓަމަރުންނަށް ތަފާތު ހިތްގައިމު އައު އޮފާތަކެއް ގެނެސްދީ، ފަސޭހަކަމާ އެކު އެފަރާތްތައް ގުޅުވާލަދިނުމަށް،" ދިރާގުން ނެރުނު ބަޔާނެއްގައި ޖަނާ ވިދާޅުވި އެވެ.

"މިއާ އެކު އެފަރާތްތަކުގެ ހުރިހާ ސްޓްރީމިން، ބްރައުސިން އަދި ގޭމިން ބޭނުންތަކަށް 500 އެމްބީޕީއެސްއާ ހަމައަށް އިންޓަނެޓް ސްޕީޑް ތަޖުރިބާކޮށްލެވޭނެ." 

ދިރާގު 5ޖީ ޓާބޯ ވައިފައިއަކީ 5ޖީ ސްޕީޑްގެ ހަލުވި، ކޮންމެ ތަނެއްގައި ހުރެގެން ވެސް ބޭނުންކޮށްލެވޭ ހިދުމަތެކެވެ.

ދިރާގުން ބުނި ގޮތުގައި 5ޖީ ޓާބޯ ޕޯސްޓްޕެއިޑް ޕްލޭންތައް ނަގާ ކަސްޓަމަރުންނަށް ޑޭޓާ ރޯލްއޯވާއާ އެކު، ބޭނުންނުކުރާ ޑޭޓާ އެއް މަސް ދުވަހަށް ކުރިއަށް ގެންދެވޭނެ އެވެ. މީގެ އިތުރުން މި ޕްލޭންތަކާ އެކު ހާއްސަ 5ޖީ ބޫސްޓާތައް ވެސް ކަސްޓަމަރުންނަށް ނެގޭނެ އެވެ. 

ދިރާގު 5ޖީ ޓާބޯ ވައިފައިއާ ބެހޭ އިތުރު މައުލޫމާތު https://bit.ly/3rklGxI ލިބޭނެ އެވެ.