ހއ. ބާރަށުގެ މަތިން ނަގާފައިވާ ފޮޓޯއެއް. (ދައުރު ފޮޓޯ)
ބާރަށުގައި ޓޫރިސްޓު ހޮޓަލެއް އަޅާނެ ބަޔަކު ހޯދަނީ
ހއ. ބާރަށުގައި ޓޫރިސްޓު ހޮޓަލެއް އަޅާނެ ބަޔަކު ހޯދަން ޓޫރިޒަމް މިނިސްޓްރީން ބީލަމަށް ހުޅުވާލައިފި އެވެ.
ވީ ކިހިނެއް؟ - އިންޓަނޭޝަނަލް ބީލަމަކަށް ހުޅުވާލައިގެން ބާރަށުގައި އީކޯ ޓޫރިޒަމްގެ މަޝްރޫއެއް ހިންގުމަކީ ނިމިދިޔަ ރައްޔިތުންގެ މަޖިލިސް އިންތިހާބުގެ ކެމްޕޭން ދުވަސްވަރު ކައުންސިލްތަކާ ބައްދަލުކުރައްވަން ކުރެއްވި ދަތުރުފުޅުތަކުގެ ތެރެއިން ރައީސް މުހައްމަދު މުއިއްޒު ވައުދުވެވަޑައިގަތް ކަމެކެވެ.
ތަފްސީލު - ބާރަށުގައި ފަތުރުވެރިކަން ތަރައްގީކުރަން 71،832 އަކަފޫޓުގެ ބިމެއް ވަނީ ކަނޑައަޅާފަ އެވެ.
އެ ބިމުގައި ޓޫރިސްޓު ހޮޓަލެއް ތަރައްގީކޮށް ހިންގަން ޝައުގުވެރިވާ މީހުންނަށް ބީލަން ހުށަހެޅުމުގެ ފުރުސަތު ހުޅުވާލައި ޓޫރިޒަމް މިނިސްޓްރީން ބުނީ:
-
ބީލަމުގެ މައުލޫމާތު ސާފުކުރުމުގެ ބައްދަލުވުން އޮންނާނީ ވާޗުއަލްކޮށް (ޒޫމް މެދުވެރިކޮށް) 28 އޮކްޓޫބަރު 2024 ވާ ހޯމަ ދުވަހުގެ ހެނދުނު 11 ޖަހާއިރު
-
ބީލަން ހުށަހެޅުމުގެ ސުންގަޑިއަކީ 5 ޑިސެމްބަރު 2024 ވާ ބުރާސްފަތި ދުވަހުގެ ހެނދުނު 10
މިކަމާ ގުޅޭ އިތުރު މައުލޫމާތު، 4 ޑިސެމްބަރު 2024 ވާ ބުދަ ދުވަހުގެ މެންދުރު 12 ޖެހުމުގެ ކުރިން ޓޫރިޒަމް މިނިސްޓްރީގެ އީމެއިލް planning@tourism.gov.mv އަށް މެއިލްކޮށްގެން ސާފުކުރެވޭނެ އެވެ.