ސަރުކާރު ކުންފުނިތަކުގެ ހަރަދު ކުޑަކުރަން ހަރުކަށި ފިޔަވަޅުތަކެއް؛ ޑޮލަރުން މުސާރަ ދިނުން މަނާ

ދައުލަތުގެ ކުންފުނިތަކުގެ ތެރެއިން ޑޮލަރުން އާމްދަނިީ ލިބޭ ކުންފުނިތަކުން ޑޮލަރުން މުސާރަ ދިނުން ހުއްޓާލާ، ހަރަދު ކުޑަ ކުރުމަށް ފިޔަވަޅުތައް އަޅަން ޕްރައިވަޓައިޒޭޝަން އެންޑް ކޯޕަރަޓައިޒޭޝަން ބޯޑް (ޕީސީބީ)އިން ކުންފުނިތަކަށް އަންގައިފި އެވެ.

ވީ ކިހިނެއް؟ - ދައުލަތުގެ ކުންފުނިތަކުގެ ހަރަދު ކުޑަކުރުމަށް ފިޔަވަޅުތައް އަޅަން ނިންމިކަން އަންގައި ޕީސީބީން މިއަދު ކުންފުނިތަކަށް ފޮނުވި ސާކިޔުލާގައި ބުނީ ރާއްޖެއަށް ކުރިމަތިވެފައިވާ އިގްތިސާދީ އަދި މާލީ ހާލަތުން އަރައިގަތުމަށް ފިޔަވަޅުތައް އަޅަން ފަށާފައިވާ ކަމަށެވެ. އަދި އެކަމަށް އެއްބާރުލުން ދިނުމަށް ދައުލަތުގެ ވިޔަފާރި ކުންފުނިތަކުން ވެސް ހަރަދު ކުޑަކުރަން ފިޔަވަޅުތައް އަޅަން ޖެހޭ ކަމަށް ސާކިއުލާގައި ފާހަގަކުރި އެވެ.

ތަފްސީލް - ސަރުކާރުގެ ވިޔަފާރި ތަންތަނާއި ކުންފުނިތައް އަދި އެ ކުންފުނިތަކުގެ ސަބްސިޑަރީތަކުން ހަރަދު ކުޑަކުރުމަށް އަޅަން އަންގާފައިވާ ފިޔަވަޅުތަކުގެ ތެރޭގައި ދަތުރު ހަރަދާއި މުވައްޒަފުންގެ ހަރަދު ކުޑަކުރަން އަންގާފައިވެ އެވެ.

އެގޮތުން ދަތުރު ހަރަދު ކުޑަކުރުމަށް އަޅަން އަންގާފައިވާ ފިޔަވަޅުތަކުގެ ތެރޭގައި:

މުވައްޒަފުންގެ ހަރަދު ކުޑަކުރުމުގެ ގޮތުން ކުންފުނިން މިހާރު ފާސްކޮށްފައިވާ އިދާރީ އޮނިގަނޑުގައި ހިމެނޭ މަގާމެއް ނަމަވެސް ކުންފުނި ހިންގުމަށް ކޮންމެހެން ނަގަން ޖެހޭ މުވައްޒަފުން ނޫނީ އެހެން މުވައްޒަފުން ނުނަގަން ވެސް ވަނީ އަންގައިފަ އެވެ.

މީގެ އިތުރުން ޕީސީބީގެ ހުއްދައާ އެކު ނޫނީ މުވައްޒަފުުންގެ މުސާރަ އާއި އިނާޔަތްތަކަށް ބަދަލު އަންނާނެ އެއްވެސް ކަމެއް ނުކުރަން ވެސް އެންގި އެވެ. 

މީގެ އިތުރުން:

މީގެ އިތުރުން ކަރުދާހުން ކުރާ މުއާމަލާތްތައް ކުޑަކޮށް، ޑިޖިޓަލްކޮށް މުއާމަލާތް ކުރުން އިތުރު ކުރުމަށް ވެސް ވަނީ އަންގައިފަ އެވެ. ހަފްލާތަކުގެ ރިފްރެޝްމެންޓުތަކަށް ކުރާ ހަރަދުތައް ކުޑަކޮށް ސީއެސްއާރާއި ސްޕޮންސާޝިޕްތަކަށް ކުރާ ހަރަދުތައް ކުޑަކުރަން ވެސް ވަނީ އަންގައިފަ އެވެ.

ފާހަގަ ކުރެވޭ - ސަރުކާރުގެ ހަރަދުތައް ކުޑަކުރަން ސަރުކާރު ހިއްސާވާ ކުންފުނިތައް ރިފޯމުކުރުމުގެ މަސައްކަތް ވަނީ ފަށައިފަ އެވެ. ބައެއް ކުންފުނިތައް އުވާލަން ނިންމާފައިވާއިރު އެއްކަހަލަ މަސައްކަތް ކުރާ ކުންފުނިތައް އެއްކޮށްލަން ވެސް ވަނީ ނިންމައިފަ އެވެ.