ދިރާގު ރޯޑް ރޭހުގެ އިނާމުތައް ހަވާލު ކުރުން (ފޮޓޯ/ދިރާގު)
ދިރާގު ރޯޑް ރޭހުގެ ވަނަތަކަށް އިނާމު ހަވާލުކޮށްފި
މިދިޔަ މަހު ބޭއްވި ދިރާގު މޯލްޑިވްސް ރޯޑް ރޭސް 2023ގެ ވަނަތަކަށް ދިޔަ ފަރާތްތަކަށް އިނާމު ހަވާލުކޮށްފި އެވެ.
ވީ ކިހިނެއް؟ - ރޭ ބޭއްވި އެ ހަފްލާގައި ރޯޑް ރޭސް ކާމިޔާބު އިވެންޓަކަށް ހެދުމަށް އެހީތެރިކަން ފޯރުކޮށްދިން ވޮލަންޓިއަރުންނާއި ޕޭސާސްގެ އަގުވަޒަން ކޮށްފައިވެ އެވެ.
ތަފްސީލް - ރޭގެ ހަފްލާގައި މި އަހަރުގެ އިވެންޓްގައި ވަނަތައް ހާސިލުކުރި 31 ފަރާތަކަށް ޖުމްލަ 39 އެވޯޑް ހަވާލުކޮށްފައިވެ އެވެ.
އޭގެ ތެރޭގައި ހިމެނެނީ؛
-
ހާފް މެރެތަން
-
5K އަދި 10K އޯޕަން
-
5K ސްކޫލް – 13 އަހަރުން މަތި
-
5K - ސްކޫލް 13 އަހަރުން ދަށުގެ ކެޓެގަރީ
-
ވަނަ ވަނަ ހާސިލް ކުރި އެތުލީޓުންގެ ތެރޭގައި ރާއްޖޭގެ 14 ދުވުންތެރިންނާއި ބައިނަލްއަގުވާމީ 5 ދުވުންތެރިންގެ އިތުރުން 12 ސްކޫލް ކުދިން ހިމެނޭ
ހާފް މެރެތަންގެ ޗެމްޕިއަންއަށް 25,000ރ.ގެ ފައިސާގެ އިނާމު ދިން އިރު ރަނަރަޕް އަށް 15,000ރ. އަދި ސެކަންޑް ރަނަރަޕް އަށް 10,000ރ. އިނާމު ވަނީ ދީފަ އެވެ.
މީގެ އިތުރުން 10K އާއި 5K އޯޕަން ކެޓެގަރީގެ ޗެމްޕިއަނުންނަށް 10,000ރ.، ރަނަރަޕް އަށް 8,000ރ. އަދި ސެކަންޑް ރަނަރަޕްއަށް 6,000ރ. ފައިސާގެ އިނާމު ވެސް ވަނީ ހަވާލުކޮށްފަ އެވެ.
-
5K ސްކޫލް ކެޓެގަރީގެ ވަނަތައް ހާސިލުކުރި ދަރިވަރުންނަށް ވަނީ ގިފްޓް ވައުޗަރު ހަވާލުކޮށްފައި
-
އެއީ ޗެމްޕިއަނުންނަށް 5,000ރ.، ރަނަރަޕްއަށް 3,000ރ. އަދި ސެކްންޑް ރަނަރަޕް އަށް 1,000ރ.ގެ ވައުޗަރު
-
ދިރާގުން ވަނީ ޖުމްލަ ގޮތެއްގައި އޯވަރޯލް އަދި ލޯކަލް ކެޓެގަރީގެ ވަނަ ވަނަ ހާސިލްކުރި ފަރާތްތަކަށް 400,000 ވަރަކަށް ރުފިޔާގެ އަގުހުރި އިނާމު ހަވާލުކޮށްފައި
ދިރާގުން ވަނީ ރޭގެ ހަފްލާގައި ޖުމްލަ 635،000ރ.، ރޯޑް ރޭހުގެ އެންޑޯސްޑް އެންޖީއޯތަކަށް ހަދިޔާކޮށްފަ އެވެ.
-
ރޭހުގެ ބައިވެރިން އެންމެ ގިނައިން ނޮމިނޭޓްކުރި ފަސް އެންޖީއޯއަކަށް ޖުމްލަ 200،000ރ.ގެ ފައިސާގެ އިނާމު ދިރާގުން ވަނީ ހުށަހަޅާފައި
-
އަދި ބައިވެރިންގެ ރަޖިސްޓްރޭޝަން ފައިސާގެ ބަޔަކާއި ރީތި ބިބް ނަމްބަރު ވިއްކައިގެން ލިބުނު ފައިސާވަނީ ވަނީ ރޯޑް ރޭހުގެ އެންޑޯސްޑް 12 އެންޖީއޯއަށް ހަވާލުކޮށްފައި
-
މިގޮތުން ޓޮޕް 5 އެންޖީއޯގެ ތެރެއިން ކޮންމެ އެންޖީއޯއަކަށް 76،250ރ. އަދި ބާކީ 7 އެންޖީއޯގެ ތެރެއިން ކޮންމެ ބަޔަކަށް 36،250ރ. ވަނީ ހަދިޔާކޮށްފައިވެ އެވެ.
އެނގުން މުހިއްމު - ދިރާގު މޯލްޑިވްސް ރޯޑް ރޭހަކީ ރާއްޖޭގައި ކޮންމެ އަހަރަކު ބާއްވާ އެންމެ ބޮޑު ދުވުމުގެ އިވެންޓެވެ. މިއަހަރުވެސް 4،000 އަށް ވުރެ ގިނަ ބައިވެރިން ރޯޑް ރޭހުގައި ރެޖިސްޓާ ކުރިއިރު 27 ގައުމެއްގެ ދުވުންތެރިން ބައިވެރި
-
31 ސްކޫލެއްގެ ދަރިވަރުން ވެސް ބައިވެރިވި
-
އޭގެ ތެރޭގައި އަތޮޅުތެރޭގެ 7 ސްކޫލެއްވެސް ހިމެނޭ
ދިރާގުން ވަނީ އަންނަ އަހަރުގެ ދިރާގު މޯލްޑިވްސް ރޯޑް ރޭސް 25 އޮކްޓޫބަރުގައި ބާއްވާނެކަން އިއުލާނުކޮށްފަ އެވެ.
ދިރާގު
