ހިތްގައިމު އަރާމު ޗުއްޓީއަކަށް ކަމަދޫ ކްލާކްސް އެގްޒޯޓިކާ

ކުރިއަށް އޮތީ އީދު ޗުއްޓީ އެވެ. ސްކޫލުތަކުގެ ބޮޑު ޗުއްޓީ އަންނަން ވެސް މާ ގިނަ ދުވަހެއް ނެތެވެ. އީދާއި ސްކޫލު ޗުއްޓީގައި ރަށުން ބޭރަށް، މާލެއިން ބޭރަށް ގޮސް ހިތްހަމަޖައްސާލަން ޕްލޭން ހަދަން ފަށަން ވެއްޖެ އެވެ. މި ޕްލޭންގައި މި ފަހަރު ބ. ކަމަދޫ ވެސް ހިމަނާލުން ރަނގަޅެވެ.

ކަމަދޫގައި ހިންގާ ކްލާކްސް އެގްޒޯޓިކާ އަކީ ހިތްހަމަޖެހޭ، ހިތްގައިމު ޗުއްޓީއެއް ހޭދަކޮށްލަން އެންމެ ކަމުދާނެ އެއް ހޮޓެލް އެވެ. އެންމެ ވަނީ މި ޗުއްޓީއާ ދިމާކޮށް ދިވެހިންނަށް ހާއްސަ ރޭޓެއްގެ ޕެކޭޖެއް ވެސް ތައާރަފުކޮށްފަ އެވެ.

މީގެ އިތުރުން، މި ޕެކޭޖުގައި ތިން އިރުގެ ކެއުން ވެސް ހިމެނެ އެވެ.

މިއީ ކަމަދޫގެ 'އައިލެންޑް ލައިފް' ބަލާލައި ބ. އަތޮޅުގައި އޮންނަ ޔުނެސްކޯ ބަޔޮސްފިއާ ރިޒާވްގެ ހިތްގައިމުކަން ތަޖުރިބާކޮށްލަން ދާން ވެސް ރަނުގެ ފުރުސަތެކެވެ.

ހޮޓަލުގެ ހިތްގައިމު ވިއުއިން ހިތްހަމަޖައްސާލައި ކުރު ޗުއްޓީއަކުން ބޯ ހަމަޖައްސާލަން ވެސް މިއީ ރަނގަޅު ޕެކޭޖަކަށް ވާނެ އެވެ. މި ހޮޓަލުގެ ތަނަވަސް ކޮޓަރިތައް ފަރުމާކޮށްފައި ވަނީ މޫދާއި ކަނޑުގެ ހިތްގައިމު ސީނަރީ ފެންނާނެ ހެންނެވެ. އެންމެ ފަހުގެ ޒަމާނީ ވަސީލަތްތަކާ އެކު، ޕްރިމިއަމް ލަގްޒަރީ ތަޖުރިބާއެއް އެ ތަނަށް ޒިޔާރަތްކުރާ މެހެމާނުންނަށް ކުރެވޭނެހެންނެވެ.

ރާއްޖޭގެ ވިޔަފާރި ކުންފުނި ދަ ހޯކްސް އިން ހިންގާ މި ހޮޓަލުގައި ތިން ކެޓަގަރީއެއްގެ ކޮޓަރި ހުންނަ އިރު، ރެސްޓޯރެންޓަކާއި ޖޫސް ބާއެއްގެ އިތުރުން ޕޫލް ޑެކް ލައުންޖެއް ވެސް ހުރެ އެވެ.

ބ. ދަރަވަންދޫ އެއާޕޯޓުން ނޫނީ މާލޭން ކަމަދުއަށް ދާ ލޯންޗަކުން ވެސް މި ހޮޓަލަށް ދެވޭނެ އެވެ. ދަރަވަންދޫއިން ކަމަދުއަށް ދާން ނަގާނީ ވިއްސަކަށް މިނެޓެވެ. މާލޭން ފުރައިގެން ލޯންޗުގައި ދެ ގަޑިއިރެެއް ހާއިރުން ދެވޭނެ އެވެ.