ދިރާގުން އަންހެނުންގެ ދައުރު އިތުރުކުރުމަށް ވެފައިވާ ވައުދު އާކޮށްފި

ޑިޖިޓަލް ޒަމާނެއްގައި އަންހެނުންގެ ދައުރު އަދި ބައިވެރިވުން އިތުރުކުރުމަށް ވެފައިވާ ވައުދު ދިރާގުން އިއްޔެ އާކޮށްފި އެވެ.

ވީ ކިހިނެއް؟ - ބައިނަލްއަގުވާމީ އަންހެނުންގެ ދުވަސް ފާހަގަކުރުމަށް ދިރާގުން އިއްޔެ ކުރިއަށްގެންދިޔަ ހަރަކާތުގައި އެ ކުންފުނިން ވަނީ ޑިޖިޓަލް ޒަމާނެއްގައި ޖެންޑާ އިންކްލޫސިވިޓީ އިތުރުކުރުމާ ގުޅޭ ގޮތުން ދާއިރާތަކުގެ ލީޑަރުންނާ އެކު ޕެނަލް ޑިސްކަޝަނެއް ބާއްވައިފަ އެވެ.

ތަފްސީލް - އިއްޔެ ބޭއްވި އެ ހަރަކާތުގެ ކީނޯޓް ސްޕީޗު ދެއްވާފައިވަނީ ޖެންޑާ މިނިސްޓަރު އާއިޝަތު މުހައްމަދު ދީދީ އެވެ.

މިނިސްޓަރުގެ ވާހަކާގައި، އެހެނިހެން ދާއިރާތަކުގައި ވެސް އަންހެނުންގެ ބައިވެރިވުމާއި މިންތީގެ ހަމަހަމަކަން އަދި ޖެންޑާ އިންކްލޫސިވިޓީގެ މުހިންމުކަމުގެ މައްޗަށް އަލިއަޅުވާލެއްވި އެވެ.

މި ސެޝަންގެ ޕެނަލިސްޓުންގެ ގޮތުގައި ބައިވެރިވެވަޑައިގެންނެވީ:

މި ޕެނަލްގައި، ޑިޖިޓަލް ސްޕޭސްގައި އުފެދިފައިވާ މިންތީގެ ފަރަގާއި އަންހެނުންނަށް ކުރިމަތިވާ ގޮންޖެހުންތަކާ ގުޅޭ ގޮތުން އިލްމީ، އިގްތިސާދީ، އަމިއްލަ ފަރާތްތައް އަދި ސަރުކާރުގެ ނަޒަރުން ބަލައި މިކަން ރަނގަޅުކުރެވޭނެ ގޮތްތަކާ ގުޅޭ ގޮތުން މަޝްވަރާކޮށްފައިވެ އެވެ.

މީގެ އިތުރުން، ޓެކްނޮލޮޖީއަކީ މިހާރު ޓެކްނިކަލް ރޯލުތަކަށް އެކަނި އޮތް ދާއިރާއެއް ނޫން ކަމާއި ދިރިއުޅުމުގެ ހުރިހާ ކަމެއްގައި ވެސް ޓެކްނޮލޮޖީ އަކީ ކޮންމެހެން ބޭނުންތެރި ކަމަކަށް ވެފައިވާ ގޮތާ ބެހޭ ގޮތުން ވެސް މި ޕެނަލް ޑިސްކަޝަންގައި ވަނީ އަލިއަޅުވާލާފަ އެވެ.

މި ޑިސްކަޝަންގެ އޯޑިއަންސްގައި ސްކޫލު ދަރިވަރުންނާއި ޔުނިވާސިޓީ ދަރިވަރުން އަދި ސަރުކާރާއި އަމިއްލަ ވިޔަފާރިތަކުގެ އިސް ވެރިން ބައިވެރިވި އެވެ.

ފާހަގަ ކުރެވޭ ކަމެއް - އަންހެނުންގެ ދުވަސް ފާހަގަކުރުމށް ދިރާގުގެ މައި އޮފީހުގައި އިއްޔެ ބޭއްވި ހަފްލާގައި އެ ކުންފުނީގެ ޖެންޑާ އެކްޝަން ޕްލޭންގެ ދަށުން ކުންފުނީގެ ހުރިހާ އަންހެން މުވައްޒަފުންނަށް އާ ޓެކްނިކަލް ތަމްރީނުތަކެއް ހާސިލްކުރުމަށް ވަނީ ފުރުސަތު ހުޅުވާލައިފަ އެވެ.