ކޮމަންވެލްތު ގޭމްސްގެ ޓޭބަލް ޓެނިސްގައި ވާދަކުރާ ދިވެހި އެތުލީޓު ދީމާ. (ފޮޓޯ/އޮލިމްޕިކް ކޮމިޓީ)
ދިރާގު ޓީވީ އާއި ދިރާގު ޕްލޭއިން ކޮމަންވެލްތު ގޭމްސް ބަލައިލެވޭނެ
އިނގިރޭސިވިލާތުގެ ބާމިންގްހަމްގައި މިހާރު ކުރިއަށްދާ ކޮމަންވެލްތު ގޭމްސް، ދިރާގު ޓީވީ އާއި ދިރާގު ޕްލޭއިން ވަގުތުން ބަލައިލެވޭނެ ކަމަށް ދިރާގުން މިއަދު ބުނެފި އެވެ.
ވީ ކިހިނެއް؟ - މިދިޔަ ބުރާސްފަތި ދުވަހު ފެށި ކޮމަންވެލްތު ގޭމްސް ކުރިއަށްދާނީ އަންނަ މަހުގެ 8ގެ ނިޔަލަށެވެ. ކޮމަންވެލްތު ގޭމްސްގައި ރާއްޖެއިން އެންމެ ބޮޑު ވަފުދެއް ބައިވެރިވަނީ ވެސް މި އަހަރު އެވެ.
ތަފްސީލު - މި އަހަރުގެ ކޮމަންވެލްތު ގޭމްސްގައި ރާއްޖޭގެ އެތުލީޓުން ވާދަކުރަނީ:
-
އެތުލެޓިކްސް (އަންހެން އަދި ފިރިހެން)
-
ބެޑްމިންޓަން (އަންހެން އަދި ފިރިހެން)
-
ފެތުން (އަންހެން އަދި ފިރިހެން)
-
ޓޭބަލް ޓެނިސް (އަންހެން އަދި ފިރިހެން)
-
ބީޗު ވޮލީބޯޅަ (ފިރިހެން)
މި މުބާރާތް ދިރާގު ޓީވީ އަދި ދިރާގު ޕްލޭ މޮބައިލް އެޕްލިކޭޝަންގައި ހިމެނޭ އެކި ޗެނަލްތަކުން ވަގުތުން ދައްކާނެ އެވެ. އެ ޗެނަލްތަކަކީ:
-
ސޮނީ ސިކްސް (އެސްޑީ އަދި އެޗުޑީ)
-
ސޮނީ ޓެން 2 (އެސްޑީ އަދި އެޗުޑީ)
-
ސޮނީ ޓެން 4 (އެސްޑީ އަދި އެޗުޑީ)
-
ޓެންސް ސްޕޯޓްސް ޕާކިސްތާން
ދިރާގު ޓީވީ ކަސްޓަމަރުންނަށް، އެންމެ 350ރ.އަށް ދިރާގު ޓީވީގެ އެންމެ ބޭސިކް ޕެކޭޖަށް ސަބްސްކްރައިބް ކޮށްލައިގެން އެ މުބާރާތުގެ މެޗުތަކާއި އިތުރު ޗެނަލްތައް ވެސް ބަލައިލެވޭނެ އެވެ. އަދި މޮބައިލް ކަސްޓަމަރުންނަށް ޖީއެސްޓީއާ ނުލާ 65ރ.އަށް، ދިރާގު ފައިބާ ބްރޯޑްބޭންޑް ވައިފައިގައި އިތުރު އެއްވެސް ހަރަދަކާ ނުލާ އެ މެޗުތައް ބަލައިލެވޭނެ އެވެ.
ބުނީ ކީކޭ؟ - ދިރާގުން ބުނީ ދިވެހިންގެ މުނިފޫހިފިލުވުމުގެ ތަޖުރިބާ މިހާރަށް ވުރެ ފުރިހަމަކޮށްދިނުމަށް ފެންވަރު ރަނގަޅު ކޮންޓެންޓު ދިރާގު ޓީވީއަށް އިތުރުކުރަމުން އަންނަ ކަމަށެވެ.
ދިރާގު ޓީވީއާ ގުޅޭ އިތުރު މައުލޫމާތު އެ ކުންފުނީގެ ވެބްސައިޓުން ބަލައިލެވޭނެ އެވެ.
ދިރާގު
