އެސްޓީއޯ ސުޕަމާޓުގައި އާންމު ވިޔަފާރިތައް
ސަރުކާރާއި ރައްޔިތުން ހިއްސާވާ އެންމެ ބޮޑު ވިޔަފާރި ކުންފުނި، އެސްޓީއޯއާ މެދު ވިޔަފާރިވެރިން އަބަދު ވެސް ކުރާ ޝަކުވާއަކީ އެ މީހުން ކުރާ ވިޔަފާރިތައް އެސްޓީއޯއިން ކޮށް، އެ މީހުންގެ ވިޔަފާރި ހަލާކު ކުރާ ކަމެވެ. އެހެންވެ، އާންމު ވިޔަފާރިވެރިން އަބަދު ވެސް އެދިއެދި ތިބެނީ އެސްޓީއޯއިން ކުދި ވިޔަފާރިތައް ކުރުން ހުއްޓާލުމެވެ.
އެ އެދޭ ބަދަލާ ދިމާލަށް އެސްޓީއޯ ދަތުރުކުުރުމުގެ ފުރަތަމަ ފިޔަވަޅު އެ ކުންފުނިން މި ވަނީ އަޅައިފަ އެވެ. އެސްޓީއޯގެ ސުޕަމާޓް، އެސްޓީއޯ ޕީޕަލްސް ޗޮއިސް ބޮޑުކޮށް ރޯދައަށް ހުޅުވާލިއިރު އާންމު ވިޔަފާރިތަކަށް އެ ސްޕަމާޓްގެ ތެރެއިން މި ވަނީ ޖާގަތައް ހުސްކޮށް ދީ، ވިޔަފާރި ކުރަން ފުރުސަތު ހުޅުވާލައިފަ އެވެ. ސުޕަމާޓުގެ ސައިޒުގައި ނުތިބެ، އެސްޓީއޯ ޕީޕަލްސް ޗޮއިސް މިހާރު ވަނީ ހައިޕަމާކެޓަކަށް ބަދަލުކޮށްލައިފަ އެވެ.
އިތުރަށް ކިޔާލަން -