ފިރިމީހާގެ ޑްރަގް ހުރި ކޮތަޅެއް އެއްލާލި ކަމަށް ރޫމާ ބުނި: ޕޮލިސް

ޓިކްޓޮކްއިން މަޝްހޫރުކަން ހޯދާފައިވާ މަރިޔަމް ރޫމާ (ޕްރިޓީ ރޫމީ) އާއި އޭނާގެ ފިރިމީހާ ޑްރަގް މައްސަަލައެއްގައި ހައްޔަރުކޮށްފައިވާއިރު، ޑްރަގް ހުރި ކޮތަޅެއް އެއްލާލި ކަމަށް ރޫމާ އެއްބަސްވި ކަމަށް ފުލުހުން ބުނެފި އެވެ.

ވީ ކިހިނެއް؟ - ރޫމާ، 45، އާއި އޭނާގެ ފިރިމީހާ މުހައްމަދު ނަސީމް، 49، ހައްޔަރު ކުރީ މާލޭގައި އެ ދެ މީހުން ދިރިއުޅުނު ގެ، ހ. ބްލޫބާޑް ކޯޓު އަމުރެއްގެ ދަށުން ބުދަ ދުވަހުގެ ރޭ ބަލައި ފާސްކުރުމުގެ ތެރޭގައި މަސްތުވާތަކެތި ފެނިގެންނެވެ. 

ތަފްސީލް - ކްރިމިނަލް ކޯޓުން ރޭ ވަނީ އެ މީހުން ބަންދުން ދޫކޮށްލައިފި ނަމަ މުޖުތަމައުގެ ސަލާމަތަށް ނުރައްކާވެދާނެ ކަމަށް ބަލައި ދެ މީހުންގެ ބަންދަށް ތިން ދުވަސް ދީފަ އެވެ. ކޯޓު އަމުރުތަކުގައި ވާގޮތުން:

އެނގުން މުހިންމު - ޓިކްޓޮކްގައި ރޫމާ މަޝްހޫރުކަން ހޯދީ އޭނާގެ ނެށުންތަކުންނާއި އެކްޓުތަކުންނެވެ. އަދި ބައެއް ފަހަރު މަޖާ ވީޑިއޯތަކާއި އިޝްތިހާރު ވެސް އޭނާ ކުޅެ އެވެ. ޓިކްޓޮކްގައި އޭނާގެ 25،000 އަށް ވުރެ ގިނަ ފޮލޯވަރުން ތިބެ އެވެ.