ކައުންސިލަށް ޓީޖެޓީ އަތެއް ނުލެވޭނެ؛ އެކަން ކުރެވޭނީ ހައުސިންއަށް އެކަނި: އެމްޕީއެލް

މޯލްޑިވްސް ޕޯޓްސް ލިމިޓެޑް (އެމްޕީއެލް) އިން މިހާރު ބަލަހައްޓަމުން އަންނަ މާލޭ ޓީޖެޓީއާ މާލޭ ސިޓީ ކައުންސިލުން ހަވާލުވާން އެ ކައުންސިލުން ނިންމި ނަމަވެސް އެ ތަން އެމްޕީއެލްގެ އަތުން ނެގުމުގެ ބާރު އޮންނާނީ ހައުސިން މިނިސްޓްރީއަށް ކަމަށް އެމްޕީއެލް އިން މިއަދު ބުނެފި އެވެ.

އެނގުން މުހިއްމު - ޓީޖެޓީ އެމްޕީއެލްއާ ހަވާލުކޮށްފައި ވަނީ މާލޭގެ މިހާރުގެ މޭޔަރު ޑރ. މުހައްމަދު މުއިއްޒު ހައުސިން މިނިސްޓަރުކަމުގައި ހުންނަވައިގެންނެވެ.

މައްސަލައިގެ ފެށުން - އެމްޕީއެލްއަށް ޓީޖެޓީ ހަވާލުކޮށް ހައުސިން މިނިސްޓްރީ އާއި އެމްޕީއެލްއާ ދެމެދު އެއްބަސްވުމެއްގައި ސޮއިކުރީ 2015ގަ އެވެ.

މިދިޔަ މަހުގެ 8ގައި ސިޓީ ކައުންސިލުން ބޭއްވި ނޫސްވެރިންގެ ބައްދަލުވުމެއްގައި މުއިއްޒު ވިދާޅުވެފައި ވަނީ:

ތަފްސީލް - އެމްޕީއެލްގެ އޮފިޝަލަކު މިއަދު ވިދާޅުވީ، ޓީޖެޓީ ހުސްކުރަން އަންގައި ސިޓީ ކައުންސިލުން އެ ކުންފުންޏަށް 90 ދުވަސް ދީފައިވާ ކަމަށާއި އެ މުއްދަތު އާދިއްތަ ދުވަހަށް ހަމަވާނެ ކަމަށެވެ. ނަމަވެސް، ހައުސިން މިނިސްޓްރީއާ އެކު ސޮއިކޮށްފައިވާ އެއްބަސްވުމުގައި ވަކި މުއްދަތެއް ބަޔާންކޮށްފައި ނެތް ކަމަށާއި ޓީޖެޓީ އެމްޕީއެލް އަތުން ނެގި ނަމަވެސް އެކަން ކުރެވޭނީ ހައުސިން މިނިސްޓްރީއަށް ކަމަށް އެ އޮފިޝަލް ވިދާޅުވި އެވެ.

ގުޅުންހުރި ކަމެއް - ޓީޖެޓީ ސިޓީ ކައުންސިލާ ހަވާލުކުރަން ކައުންސިލުން އެމްޕީއެލްއަށް ނޯޓިސް ދީފައި ވާއިރު، ހުޅުމާލޭގެ ބިމުގެ މިލްކުވެރިކަމުގެ މައްސަލައިގައި ކައުންސިލާއި ހައުސިން ޑިވެލޮޕްމެންޓް ކޯޕަރޭޝަން (އެޗްޑީސީ) ވެސް ވަނީ އަރައިރުމަކަށް ގޮސްފަ އެވެ.

އިތުރަށް ކިޔާލަން -