ވެލާނާ އިންޓަނޭޝަނަލް އެއާޕޯޓް (ވީއައިއޭ)ގައި ފަތުރުވެރިންނަށް މަރުހަބާ ކިޔުމަށް ރިސޯޓް މުވައްޒަފުން މަޑުކޮށްލައިގެން (ދައުރު ފޮޓޯ/ މުޒައްޔިން ނާޒިމް)
ހަފުތާއަކުން 22،000 ޓޫރިސްޓުން؛ މިދިޔަ އަހަރަށް ވުރެ %7 އިތުރު
މި އަހަރުގެ ފުރަތަމަ ހަފުތާގެ ނިޔަލަށް ރާއްޖެއަށް 22،292 ޓޫރިސްޓުން އައިސްފައިވާ ކަމަށް ޓޫރިޒަމް މިނިސްޓްރީގެ ތަފާސްހިސާބުުތަކުން ދައްކައިފި އެވެ.
ވީ ކިހިނެއް؟ - ޓޫރިޒަމުން އާންމުކޮށްފައިވާ އެންމެ ފަހުގެ 'އެރައިވަލް އަޕްޑޭޓް' އިން ދައްކާ ގޮތުގައި، އެ މުއްދަތުގައި ރާއްޖެ އައި ޓޫރިސްޓުން:
-
މިދިޔަ އަހަރަށް ވުރެ %7 އިތުރު
-
2021 އަށް ވުރެ %71 އިތުރު
ތަފްސީލް - ފުރަތަމަ ހަފުތާގެ ތެރޭގައި ރާއްޖެ އައި ޓޫރިސްޓުންގެ ބޮޑު އިންސައްތައެއް ހިއްސާކުރަނީ ފިނި މޫސުމާ ދިމާކޮށް ޔޫރަޕު ގައުމުތަކުން އައި ޓޫރިސްޓުންނެވެ. އެންމެ ގިނައިން ޓޫރިސްޓުން އައި ގައުމުތަކަކީ:
-
ރަޝިއާ - 4،402
-
އިޓަލީ - 3،854
-
އިންޑިއާ - 1،605
-
ޔޫކޭ - 1،261
-
ޖާމަނީ - 1،242
ފާހަގަކޮށްލެވޭ ގޮތުގައި، މިއީ މިދިޔަ އަހަރު ނިންމާލި އިރު ވެސް ރާއްޖެއަށް އެންމެ ގިނަ ޓޫރިސްޓުން އައި ފަސް ގައުމުގެ ތެރޭގައި ހިމެނޭ ގައުމުތެކެވެ.