އިންޑިއާ އާއި ރާއްޖޭގެ ގުޅުން އިތުރަށް ބަދަހިކުރުމަށް މަޝްވާރާކޮށްފި

'އިންޑިއާ އައުޓް'ގެ ނަމުގައި އިދިކޮޅުން މުޒާހަރާތައް ބާއްވައި އަޑުއުފުލަމުންދާ މި ދަނޑިވަޅުގައި، އިންޑިއާ އާއި ރާއްޖެއާ ދެމެދު އޮތް ގުޅުން އިތުރަށް ބަދަހިކުރުމާ ބެހޭގޮތުން ރައީސް އިބްރާހިމް މުހައްމަދު ސޯލިހާއި އެ ގައުމުގެ އެކްސްޓާނަލް އެފެއާޒް މިނިސްޓަރު ސުބްރަމާނިއަމް ޖަޔަޝަންކަރު މިއަދު މަޝްވަރާކުރައްވައިފި އެވެ.

ވީ ކިހިނެއް؟ - ރައީސް ސޯލިހު ޖަޔަޝަންކަރާ ބައްދަލުކުރެއްވީ ކޮމަންވެލްތު ހެޑްސް އޮފް ގަވަމެންޓް މީޓިން (ޗޯމް)ގައި ބައިވެރިވެވަޑައިގަތުމަށް ރުވާންޑާއަށް ވަޑައިގެން އުޅުއްވަމުން އެ ގައުމުގެ ވެރިރަށް ކިގާލީގަ އެވެ. ރައީސް އޮފީހުން ބުނިގޮތުގައި ކިގާލީ މެރިއޮޓް ހޮޓެލްގައި ބޭއްވި ބައްދަލުވުމަކީ ޖަޔަޝަންކަރު ރައީސް އަރިހަށް ކުރެއްވި އިހުތިރާމްގެ ޒިޔާރަތެކެވެ.

ތަފްސީލު - ދެ ގައުުމުގެ ދޭދޭ ގުޅުމާ ބެހޭގޮތުން މި ބައްދަލުވުމުގައި އެ ދެ ބޭފުޅުން ދެއްކެވި ވާހަކައަށް އިޝާރާތްކޮށް ރައީސް އޮފީހުން ބުނިގޮތުގައި:

އެނގުން މުހިންމު - ރާއްޖޭގައި ތިބި އިންޑިއާ ސިފައިން ފޭބުމަށާއި އެ ގައުމާ އެކު ހަދާފައިވާ އަސްކަރީ ސިއްރު އެއްބަސްވުންތައް ހާމަކުރަން ގޮވާލައި އިދިކޮޅުން ހިންގާ ކެމްޕެއިން ހުއްޓުވުމަށް ސަރުކާރުން ދަނީ މަސައްކަތްކުރަމުންނެވެ. އޭގެ ތެރޭގައި، ރާއްޖޭގެ ހާރިޖީ މަސްލަހަތަށް ގެއްލުން ދިނުމަކީ ޖިނާއީ ކުށަކަށް ހަދަން ގާނޫނުލްއުގޫބާތަށް އިސްލާހު ގެންނަން މިދިޔަ ބުރާސްފަތި ދުވަހު އެޓާނީ ޖެނެރަލްގެ އޮފީހުން ރައީސް އޮފީހަށް ބިލެއް ފޮނުވުން ހިމެނެ އެވެ.