ރާއްޖޭގެ ހިއްސާގެ ބާޒާރު ކުރިއަރުވަން އެހީވާން ބޮމްބޭ ސްޓޮކް އެކްސްޗޭންޖުން ޝައުގުވެރިވެއްޖެ

ރާއްޖޭގެ ހިއްސާގެ ބާޒާރު ކުރިއެރުވުމަށް ގުޅިގެން މަސައްކަތް ކުރުމާ ގުޅޭ ގޮތުން، ރައީސް އިބްރާހިމް މުހައްމަދު ސޯލިހް އިންޑިއާގެ އެންމެ ބޮޑު ހިއްސާގެ ބާޒާރު ކަމަށްވާ ބޮމްބޭ ސްޓޮކް އެކްސްޗޭންޖް (ބީއެސްއީ)ގެ ވެރިންނާ މިއަދު މަޝްވަރާކުރައްވައިފި އެވެ. އަދި ބީއެސްއީގެ ވެރިން ވަނީ އެ ކަމުގެ ޝައުގުވެރިކަން ފާޅުކުރައްވާފަ އެވެ.

ވީ ކިހިނެއް؟ - އިންޑިއާގެ ބޮޑުވަޒީރު ނަރެންދުރަ މޯދީގެ ދައުވަތަކަށް މިދިޔަ ހޯމަ ދުވަހު އިންޑިއާއަށް ވަޑައިގެންނެވި ރައީސް އިބްރާހިމް މުހައްމަދު ސޯލިހް ވަނީ ބީއެސްއީއަށް މިއަދު ޒިޔާރަތްކުރައްވައި ރާއްޖޭގެ ހިއްސާގެ ބާޒާރުތައް ކުރިއެރުވުމާ ގުޅޭ ގޮތުން އެ ތަނުގެ ވެރިންނާ މަޝްވަރާކުރައްވާފަ އެވެ.

ރައީސް އޮފީހުން ބުނީ، ރައީސްގެ މި ޒިޔާރާތުގައި ބީއެސްއީގެ ބޯޑު މެންބަރުންނާއި އެ ކުންފުނީގެ މެނޭޖްމަންޓްގެ ބޭފުޅުންނާ ބައްދަލުކުރެއްވި ކަމަށެވެ. މި ޒިޔާރަތުގައި ރައީސްގެ އަރިހުގައި ރާއްޖޭގެ ވަފުދު ވެސް ބައިވެރިވެވަޑައިގެންނެވި އެވެ.

ތަފްސީލު - ރައީސް އޮފީހުން ބުނި ގޮތުގައި، މި ބައްދަލުވުމުގައި:

އޭގެ އިތުރުން، ރައީސް ބީއެސްއީއަށް ކުރެއްވި ޒިޔާރަތުގައި އެ މަނިކުފާނު ވަނީ:

އެނގުން މުހިންމު - ބީއެސްއީ އަކީ އޭޝިއާގެ ފުރަތަމަ ހިއްސާގެ ބާޒާރެވެ. އެގޮތުން، 1875ގައި ގާއިމްކުރި ބީއެސްސީގައި މިހާރު 5،000އަށް ވުރެ ގިނަ ކުންފުނި ލިސްޓްކޮށްފައިވެ އެވެ.

ރައީސްގެ ދަތުރުފުޅު ނިންމަވާލެއްވުމަށް ފަހު މާދަމާ ރާއްޖެ ވަޑައިގަންނަވާއިރު، އެ މަނިކުފާނު ވަނީ މިއަދު އިންޑިއާގެ ވިޔަފާރިވެރިންނާ ވެސް މިއަދު މުމްބާއީގައި ބައްދަލުކުރައްވާފަ އެވެ. އަދި އިއްޔެ ވަނީ އިންޑިއާގެ ބޮޑުވަޒީރު މޯދީއާ އެކު ރަސްމީ މަޝްވަރާތައް ވެސް ބާއްވަވާފަ އެވެ.