ސެޕްޓެމްބަރު 11ގެ ޓެރަރިސްޓް ހަމަލާގެ ޓައިމްލައިން

ސެޕްޓެމްބަރު 11، އަންގާރަ (ހެނދުނު 7:59، ނިއު ޔޯކު ގަޑިން)؛ ރާއްޖެ ގަޑިން ހަވީރު 4:59 - އެމެރިކަން އެއާލައިންސް ފްލައިޓް 11، (ބަޮއިން 767)، 81 ފަސިންޖަރުން އަދި 11 ކްރޫ އިންނާ އެކު ލޮސް އެންޖަލީސް އަށް ދިއުމަށްޓަކައި ބޮސްޓަންގެ ލޯގަން އިންޓަނޭޝަނަލް އެއާޕޯޓުން ފުރި.

8:14 - ޔުނައިޓެޑް އެއާލައިންސް ފްލައިޓް 175 (ބަޮއިން767)، 56 ފަސިންޖަރުން އަދި 10 ކްރޫންނާއެކު ލޮސް އެންޖަލީސް އަށް ދިއުމަށްޓަކައި ބޮސްޓަންގެ ލޯގަން އިންޓަނޭޝަނަލް އެއާޕޯޓުން ފުރި.

8:14 - ފްލައިޓް 11 މަސަޗުސެޓްސްގެ މަތިން ހައިޖެކުރި. ފްލައިޓްގައި ތިބީ ފަސް ހައިޖެކަރުން.

8:20 - ޔުނައިޓެޑް އެއާލައިންސް ފްލައިޓް 77، (ބޮއިން 757)، 56 ފަސިންޖަރުން އަދި ހަ ކްރޫންނާއެކު ވޮޝިންޓަންގެ ޑަލަސް އިންޓަނޭޝަނަލް އެއާޕޯޓުން ލޮސް އެންޖަލީސް އިންޓަނޭޝަނަލް އެއާޕޯޓަށް ދިއުމަށް ފުރި.

8:42 - ޔުނައިޓެޑް އެއާލައިންސް ފްލައިޓް 93، (ބޮއިން757)، 37 ފަސިންޖަރުން އަދި ހަތް ކްރޫންނާއެކު ނެވާކް އިންޓަނޭޝަނަލް އެއާޕޯޓުން ސެން ފްރެންސިސްކޯ އިންޓަނޭޝަނަލް އެއާޕޯޓަށް ދިއުމަށް ފުރި.

8:42-8:46 - ނިއު ޖާޒީ މަތިން ފްލައިޓް 175 ހައިޖެކް ކުރި. ބޯޓުގައި ތިބީ ފަސް ހައިޖެކަރުން.

8:46 - ފްލައިޓް 11 ނިއު ޔޯކް ވޯލްޑް ޓްރޭޑް ސެންޓަރުގެ 77 އާއި 85 ވަނަ ފަންގިފިލާ ދެމެދުގައި ޖެހި ޓަވަރުގައި އަލިފާން ރޯވާން ފެށި. ބޯޓުގައި ތިބި 92 މީހުން މަރުވި.

8:50-54 - އޮހާއޯ މަތިން ފްލައިޓް 77 ހައިޖެކް ކުރި. ބޯޓުގައި ތިބީ ފަސް ހައިޖެކަރުން.

9:03 - ފްލައިޓް 175 ސައުތު ޓަވަރުގެ 77 އާއި 85 ވަނަ ފަންގިފިލާއާ ދެމެދު ޖެހި ގޮވި. ބޯޓުގައި ތިބި 65 މީހުން މަރުވި.

9:05 - ޓެރަރިސްޓް ހަމަލާއެއް ދީފިކަން އެމެރިކާގެ ރައީސް ޖޯޖް ޑަބްލިއު ބުޝް އަށް ނޭޝަނަލް ސެކިއުރިޓީ އެޑްވައިޒަރު ދެންނެވި. އެއިރު ބުޝް ހުންނެވީ ސްކޫލެއްގެ ކްލާސްރޫމެއްގައި ކިޔަވާކުދިންނާ ބައްދަލުކުރެއްވުމަށް. އޭގެ 20 މިނެޓް ފަހުން ގައުމާ މުހާތަބުކޮށް ވާހަކަ ދެއްކެވި.

9:28 - ފްލައިޓް 93 އޮހާއޯ މަތިން ހައިޖެކްކުރި. ބޯޓްގައި4 ހައިޖެކަރުންތިބި.

9:37 - ފްލައިޓް 77 ޕެންޓަގަން އިމާރާތުގެ ހުޅަނގު ފަރާތުގައި ޖެހި، ގޮވި. ބޯޓުގައި ތިިބި 64 މީހުން މަރުވި.

9:45 - އެމެރިކާގެ އެއާ ސްޕޭސް ބަންދުކުރި. ހުރިހާ މަތިންދާބޯޓް ތަކެއް އެންމެކައިރި އެއާޕޯޓަކަށް ޖައްސަން އެންގި.

9:59 - ވޯލްޑް ޓްރޭޑް ސެންޓަރުގެ ސައުތު  ޓަވަރު ފުނޑުފުނޑުވެގެން ބިމާހަމައަށް ފޭބި. އެއީ އަލިފާން ރޯވިތާ 50 ވަރަކަށް މިނެޓްގެ ތެރޭގައި.

10:03 - ފްލައިޓް 93 ޕެންސެލްވޭނިއާގެ އަވަށަކަށް ވެއްޓޭ. ބޯޓުގައި ތިބި 44 މީހުން މަރުވި.

10:28 - ވޯލްޑް ޓްރޭޑް ސެންޓަރުގެ ނޯތު ޓަވަރު ފުނޑުފުނޑުވެގެން ބިމާހަމައަށް ފޭބި. އެއީ އަލިފާން ރޯވިތާ 1 ގަޑި 42 މިނެޓް ފަހުން.

10:50 - ޕެންޓަގަން އިމާރާތުގައި މަތިންދާބޯޓް ޖެހުނު ހިސާބުން ހަތަރު ބުރި ބިމާހަމައަށް ފޭބި.