މަދަނީ އިޖުރާއަތުގެ ގާނޫނަށް އަހުލުވެރިކުރަން އޭޖީ އޮފީހުން ޔޫއެންޑީޕީއާ އެކު މަސައްކަތް ކުރަނީ

މަދަނީ އިޖުރާއަތުގެ ޤާނޫނަށް ޢަމަލުކުރަން ފެށުމުގެ ކުރިން، އެ ގާނޫނަށް އަހުލުވެރިކުރުމުގެ މަސައްކަތް އެޓާނީ ޖެނެރަލްގެ އޮފީހުން ޔުނައިޓަޑް ނޭޝަންސް ޑިވެލޮޕްމަންޓް ޕްރޮގްރާމް (ޔޫއެންޑީޕީ)އާ ގުޅިގެން ކުރަން ނިންމައިފި އެވެ.

އެނގުން މުހިންމު - މަދަނީ އިޖުރާއަތުގެ ގާނޫނުގައިވާ ގޮތުން، އެ ގާނޫނު ތަސްދީގު ކުރާތާ ހަ މަސް ހަމަވާ ތާރީހުގައި އެ ގާނޫނަށް އަމަލު ކުރަން ފަށާނެ އެވެ. އެ ގާނޫނު 16 ޑިސެންބަރު 2021ގައި ތަސްދީގުކޮށްފައިވާތި އެއަށް އަމަލު ކުރަން ފަށާނީ މި އަހަރުގެ ޖޫން 16ގަ އެވެ.

ބުނީ ކީކޭ؟ - އޭޖީ އޮފީހުން މިއަދު ބުނީ އެ ގާނޫނަށް އަހުލުވެރިކުރުމުގެ ޕްރޮގްރާމްތަކެއް ރާވައި ހިންގުމުގެ މަސައްކަތް، ޔޫއެންޑީޕީގެ އެހީއާ އެކު ފެށުމަށް އެ އޮފީހުން ތައްޔާރުވަމުންދާ ކަމަށެވެ.

އޭޖީ އޮފީހުން ބުނި ގޮތުގައި އެ ޕްރޮގްރާމުތަކުގެ ބޭނުމަކީ މަދަނީ އިޖުރާއަތުގެ ގާނޫނުން އަލަށް ތައާރުފުކުރާ ކަންކަމަށް އަދުލު އިންސާފު ގާއިމުކުރުމުގެ ދާއިރާގެ ކަމާބެހޭ ފަރާތްތައް އަހުލުވެރިކޮށް، އެ ގާނޫނުގެ ދަށުން އެކުލަވާލަންޖެހޭ އުސޫލުތައް އެކުލަވާލައި، އެ ގާނޫނަށް އަމަލުކުރަން ފެށުމަށްޓަކައި ވާންޖެހޭ އެނޫންވެސް ތައްޔާރީތައް ވުން ކަމަށެވެ.

އެކަން ކުރާނީ، އަދުލު އިންސާފުގެ ދާއިރާގެ ކަމާބެހޭ ކޯޓުތަކާއި އިދާރާތައް އަދި ގާނޫނީ ވަކީލުންނާއި އެނޫންވެސް ކަމާބެހޭ ފަރާތްތަކުގެ ބައިވެރިވުން ހިމެނޭ ގޮތުގެމަތިން ކަމަށް އޭޖީ އޮފީހުން ބުންޏެވެ.

އެ ދާއިރާތައް ތަމްސީލުވާ ގޮތުގެމަތިން އެކުލަވާލެވޭ ޓާސްކްފޯސްއެއް އެކުލަވާލުމުގެ މަސައްކަތް މިހާރު ވަނީ ފަށާފައިވާ ކަމަށް ބުންޏެވެ. އަދި  ކުރިއަށް އޮތް ހަފްތާއެއްހާ ދުވަހުގެ ތެރޭގައި މަސައްކަތްތައް ފެށުމަށް ގަސްތުކޮށްފައިވާ ކަމަށް ވެސް އޭޖީ އޮފީހުން ބުންޏެވެ.

މަދަނީ އިޖުރާއަތުގެ ގާނޫނުގައި ހިމެނޭ ކަންކަން: