ރާއްޖޭގެ ފަތުރުވެރިކަމުގެ ސިނާއަތަށް 50 އަހަރުފުރުން ފާހަގަކުރުމުގެ ގޮތުން މަޓީ އިން އިންތިޒާމްކޮށްގެން ބޭއްވި ފަތުރުވެރިކަމުގެ ރަންޔޫބީލް އެވޯޑު ހަފްލާގައި ރައީސް އިބްރާހިމް މުހައްމަދު ސޯލިހު ވާހަކަދައްކަވަނީ: 17 ޖުލައި 2022 (ފޮޓޯ/ރައީސް އޮފީސް)
ޓޫރިޒަމަށް 50 އަހަރު ފުރުން ފާހަގަކުރަން އޮކްޓޫބަރު 3 ސަރުކާރު ބަންދުކޮށްފި
މި އަހަރުގެ އޮކްޓޫބަރު މަހުގެ 3 ވަނަ ދުވަހަކީ، ރާއްޖޭގެ ފަތުރުވެރިކަމަށް 50 އަހަރު ފުރޭ ނުވަތަ ރަންޔޫބީލް ދުވަސްކަމަށް ވާތީ އެއީ ސަރުކާރު ބަންދު ދުވަހެއްގެ ގޮތުގައި ރައީސް އިބްރާހިމް މުހައްމަދު ސޯލިހު މިއަދު ކަނޑައަޅުއްވައިފި އެވެ.
ވީ ކިހިނެއް؟ - ރާއްޖޭގެ ފަތުރުވެރިކަމުގެ ދުވަހުގެ ގޮތުގައި ފާހަގަ ކުރަނީ ރާއްޖޭގެ ފުރަތަމަ ރިސޯޓް، ކުރުނބާ ވިލެޖް ހުޅުވި 3 އޮކްޓޫބަރު 1972 ގަ އެވެ. މި އަހަރު ޓޫރިޒަމަށް 50 އަހަރު ފުރޭއިރު، އެކަން ފާހަގަކުރާނީ އަންނަ ނޮވެމްބަރު 11ގަ އެވެ.
ތަފްސީލް - ރައީސް އޮފީހުން މިއަދު ބުނީ:
-
އޮކްޓޫބަރު ތިން ވަނަ ދުވަހު ސަރުކާރު ބަންދު ކުރަނީ ވަޒީރުންގެ މަޖިލީހުން ނިންމައިގެން
-
އެ ދުވަސް ބަންދު ކުރަނީ ރާއްޖޭގެ ފަތުރުވެރިކަމަށް 50 އަހަރު ފުރޭ ދުވަހުގެ މުނާސަބާގައި
-
މި އަހަރަކީ ގައުމީ ފަތުރުވެރިކަމުގެ ދުވަސް ފުރަތަމަ ފަހަރަށް ފާހަގަކުރާ ދުވަސް ކަމަށްވުމުން އެ ދުވަސް ކުލަގަދަކޮށް ފާހަގަކުރަން
އެނގުން މުހިންމު - ގައުމީ ފަތުރުވެރިކަމުގެ ދުވަހުގެ ގޮތުގައި ކޮންމެ އަހަރެއްގެ ވެސް އޮކްޓޫބަރު މަހުގެ 3 ވަނަ ދުވަސް ފާހަގަކުރަން ރައީސް ސޯލިހު ނިންމެވީ މިދިޔަ އަހަރު އެވެ.