ޔާމީންގެ ވާހަކަތަކުން އަނިޔާވެރިކަން ފެނޭ، އެމްއާރުއެމުން އެދެނީ ތަހުގީގަކަށް

ވެރިކަން ލިބިއްޖެ ނަމަ ދެން ވެސް އިސް ކުރައްވާނީ އަނިޔާވެރިކަން ކަމަށް ދޭހަވާ ގޮތަށް، ކުރީގެ ރައީސް އަބްދުﷲ ޔާމީން ދެއްކެވި ވާހަކަތައް ތަހުގީގު ކުރުމަށް މޯލްޑިވްސް ރިފޯމް މޫވްމެންޓް (އެމްއާރުއެމް) އިން މިރޭ ގޮވާލައިފި އެވެ. 

ވީ ކިހިނެއް؟ - ކުރީގެ ރައީސް އަދި ޔާމީންގެ ބޮޑުބޭބޭފުޅު މައުމޫން އަބްދުލްގައްޔޫމުގެ ޕާޓީއިން މި ތުހުމަތު ކުރީ، އިއްޔެ ޕީޕީއެމުން ބޭއްވި ބައްދަލުވުމެއްގައި، ޔާމީން ދެއްކެވި ވާހަކަފުޅުތަކަކާ ގުޅިގެންނެވެ.

މާލޭގެ އަންހެނުންގެ ތަރައްގީ އަށް މަސައްކަތްކުރާ ކޮމިޓީގެ މެމްބަރުކަމަށް ޕީޕީއެމްގެ ފަރާތުން ވާދަކުރައްވާ ފާތިމަތު ނާޒިމާގެ ކެމްޕެއިން ރަސްމީކޮށް ފެށުމަށް ވިލިމާލޭގައި ބޭއްވި ބައްދަލުވުމުގައި ވާހަކަ ދައްކަވަމުން ޔާމީން ވަނީ:

ބުނީ ކީކޭ ؟- އެމްއާރުއެމްއިން ނެރުނު ބަޔާނުގައި ބުނިގޮތުގައި ޔާމީންގެ ވާހަކަތައް ހުރީ، ދެންވެސް ވެރިކަން ލިބިއްޖެ ނަމަ އަނިޔާވެރިކަން އިސްކޮށް، ޝަރުއީ ނިޒާމަށް ނުފޫޒު ފޯރުވައި، ކޯޓުތަކުގެ ހުރުމަތް ކަނޑާލައި، ފަނޑިޔާރުންނާއި މުއައްސަސާތަކުގެ ވެރިން ދިގު މުއްދަތަކަށް ޖަލަށް ލާނެ ކަމަށް ދޭހަވާ ފަދަ ގޮތަކަށެވެ.

"[އެ ވާހަކަތައް] މި ޕާޓީއިން ކުއްވެރިކުރަމެވެ. އަދި މިވާހަކަތައް ފުލުހުންނާއި ކަމާބެހޭ ފަރާތްތަކުން ތަހުގީގުކޮށް ފިޔަވަޅު އެޅުމަށް ވެސް ގޮވާލަމެވެ."  ބަޔާނުގައި އެ ޕާޓީއިން ބުންޏެވެ.

އިއްޔެ ޔާމީން ދެއްކެވި ވާހަކައިގައި މައުމޫނަށް ވެސް ވަރަށް ބޮޑަށް ފާޑުވިދާޅުވި އެވެ. އެގޮތުން:

 ޔާމީން ވިދާޅުވި ގޮތުގައި އާއިލާގެ މީހެއް ނަމަވެސް، ދައުލަތުގެ ހައްގަކަށް އަރައިގަތުމުން، ރައްޔިތުންގެ ހައްގުގައި ފިޔަވަޅު އެޅުމަކީ ދައުލަތް ހިންގަވަން ހުންނަ ބޭފުޅަކު އަޅުއްވަން ޖެހޭނެ ފިޔަވަޅެކެވެ. 

ކޮއްކޯފުޅުގެ މި ތުހުމަތުތައް ދޮގުކުރައްވައި، މައުމޫންގެ ޕާޓީގެ ބަޔާނުގައި ބުނީ އެ ވެރިކަން ވައްޓާލުމަށް މައުމޫން އެއްވެސް އިރެއްގައި މަސައްކަތް ނުކުރައްވާ ކަމަށެވެ. އެކަމަކު ޔާމީނަށް ވެރިކަމަށް ވަޑައިގަނެވުނީ، މައުމޫންގެ ތާއިދާއި ބުރަ މަސައްކަތާ އެކުގައި ކަމުން، ސަރުކާރުގެ އެތެރޭގެ ކަންކަން ހަމައަށް އެޅުވުމަށް، ސަރުކާރާއި ޕާޓީގެ އެތެރެއިން އަދި ފަހުން ބޭރުން ވެސް މަސައްކަތް ކުރެއްވި ކަމަށް ބުންޏެވެ.

އެމްއާރުއެމުން ބުނިގޮތުގައި ޔާމީން ދޫކުރައްވައި، 2018 ވަނަ އަހަރުގެ ރިޔާސީ އިންތިޚާބުގައި ރައީސް މައުމޫން، އެހެން ސިޔާސީ ލީޑަރުންނާއިއެކު ކޯލިޝަން ހައްދަވައި މަސައްކަތް ކުރައްވަން ޖެހިވަޑައިގަތީ ޔާމީންގެ އަމަލުތައް ބެހެއްޓެވި ގޮތުންނެވެ. އެގޮތުން:

މައުމޫން ހައްޔަރު ކުރެއްވީ، ޔާމީން ނޫން ކަމަށް ދޭހަވާ ގޮތަށް ދެއްކެވި ވާހަކައަށް ރައްދުދީ، އެމްއާރުއެމުން ބުނީ އޭރު ސަރުކާރުގެ ބާރުތަކާއި ނުފޫޒު އޮތް ގޮތުން އެއީ ސީދާ ޔާމީންގެ ނިންމެވުމަކަށް ނުވެ ހިނގައިދާނެ އެއްގޮތެއް ވެސް ނެތް ކަމަށެވެ. އަދި މިއަދު އެކަމުން ރެކިވަޑައިގަތުމަށް ދައްކަވާ ވާހަކައަކީ، ހަގީގީ ލީޑަރުންގެ ފަރާތުން ފެންނަ ޒިންމާ ނެގުމާއި ބީރައްޓެހި ފިނޑި ވާހަކަތަކެއް ކަމަށް އެ ޕާޓީއިން ބުންޏެވެ.