ހައިޑްރޯގްރަފިކް ސާވޭގެ ޗާޓުތައް ވިއްކައިގެން ލިބުނު ފައިސާގެ ޗެކް ހަވާލުކޮށްފި

ރާއްޖޭގެ އުތުރުގައި މިދިޔަ އަހަރު ކުރިއަށް ގެންދިޔަ ޖޮއިންޓް ހައިޑްރޯގްރަފިކް ސާވޭއިން ތައްޔާރުކުރި ޗާޓްތަކުގެ ތެރެއިން މިހާތަނަށް އިންޑިއާއިން ވިއްކި ޗާޓުތަކުން ރާއްޖެއަށް ލިބެންޖެހޭ ރޯޔަލްޓީ ފައިސާގެ ޗެކް މިއަދު ހަވާލުކޮށްފި އެވެ.

އެނގުން މުހިއްމު - ޗެކު ހަވާލުކޮށްފައިވާ ކަމަށް އެމްއެންޑީއެފުން ބުނި އިރު ފައިސާގެ އަދަދެއް ހާމައެއް ނުކުރެ އެވެ.

ވީ ކިހިނެއް؟ - އެ ޗެކު ހަވާލުކުރީ އިންޑިއާގެ ޗީފް އޮފް ދަ ނޭވަލް ސްޓާފް އެޑްމިރަލް ރާދަކްރިޝްނަން ހަރީ ކުމާރު އެމްއެންޑީއެފްގެ މައި މަރުކަޒު، ބަންޑާރަކޮށްޓަށް ކުރެއްވި ޒިޔާރަތެއްގަ އެވެ. އެކަމަށްޓަކައި ބޭއްވި ރަސްމިއްޔާތުގައި އޭނާ ވަނީ ޗެކުގެ އިތުރުން ވެސް ބައެއް ތަކެތި ރާއްޖެއާ ހަވާލުކުރައްވައިފަ އެވެ. އެއީ:

ތަފްސީލް - އެޑްމިރަލް ކުމާރު ބަންޑާރަކޮށްޓަށް ވަޑައިގެންނެވުމުން މަރުހަބާކިޔުމަށްޓަކައި އެމްއެންޑީއެފުން އޭނާގެ ޝަރަފުގައި އޮނަ ގާޑެއް އެރުވި އެވެ. އެއަށްފަހު އޭނާ ވަނީ ޑިފެންސް މިނިސްޓަރު މާރިޔާ އަހުމަދު ދީދީ އާއި ޗީފް އޮފް ޑިފެންސް ފޯސް މޭޖާ ޖެނެރަލް އަބްދުﷲ ޝަމާލްއާ ބައްދަލުކުރައްވައިފަ އެވެ. އެމްއެންޑީއެފުން ބުނިގޮތުގައި:

އެޑްމިރަލް ކުމާރު ވަނީ ކޯސްޓްގާޑު އުޅަނދު ހުރަވީއަށް ޒިޔާރަތްކުރައްވައި، ސްޕިއާސްއާއި ބައެއް އާލާތްތައް ހަދިޔާކުރައްވައިފަ އެވެ. އަދި ހުރަވީގައި، މެހެމާނުން ސޮއިކުރައްވާ ފޮތުގައި ސޮއިކުރެއްވި އެވެ.

އެމްއެންޑީއެފުން ބުނީ އިންޑިއާގެ ޗީފް އޮފް ނޭވަލް ސްޓާފްގެ މި ދަތުރުފުޅުގެ ސަބަބުން، އިންޑިއާ އާއި ދިވެހި އަސްކަރިއްޔާއާ ދެމެދު އޮތް ގުޅުން އިތުރަށް ވަރުގަދަވެގެން ދާނެ ކަމަށެވެ.