ވަކި ކުރާ ފަނޑިޔާރުންނަށް 6 މަސް ވަންދެން ވަކީލުކަން ނުކުރެވޭ އިސްލާހު އަނބުރާ ކޮމިޓީއަށް

އަމިއްލައަށް ފަނޑިޔާރުކަމުން ވަކިވާ މީހުންނާއި ވަކިކުރާ ފަނޑިޔާރުންނަށް، އެ ތާރީހުން ފެށިގެން ހަ މަސް ވަންދެން ގަނޫނީ ވަކީލުކަން ނުކުރެވޭ ގޮތަށް ހަދަން ޖުޑީޝަރީ ކޮމިޓީން ފާސްކުރި ގާނޫނީ ފަންނުގެ ގާނޫނަށް އިސްލާހު ގެނައުމުގެ ބިލު ރައްޔިތުންގެ މަޖިލީހުން ފާސް ނުވެ، މިއަދު އަނބުރާ ކޮމިޓީއަށް ފޮނުވާލައިފި އެވެ.

އެނގުން މުހިންމު - ޖޫން 2019ގައި ތަސްދީގުކުރި ގާނޫނީ ފަންނުގެ ގާނޫނު މިހާރު އޮންނަ ގޮތުން ފަނޑިޔާރަކު މަގާމަށް އައްޔަންކުރުމާ އެކު އެ މީހެއްގެ ވަކީލު ކަމުގެ ހުއްދަ ވަގުތީ ގޮތުން ހިފެހެއްޓޭނެ އެވެ. އަދި ފަނޑިޔާރުކަމުން ވަކިވުމާ އެކު އަލުން އެ ހުއްދަ ދޭން ޖެހެ އެވެ.

ވީ ކިހިނެއް؟ - މަގާމާ އެކަށީގެން ނުވާ އަމަލެއްކޮށްގެން ފަނޑިޔާރުކަމުން ވަކިކުރަން ޖުޑީޝަލް ސާވިސް ކޮމިޝަން(ޖޭއެސްސީ) އިން ނިންމާ ހާލަތުގައި، އެ މީހެއްގެ ގާނޫނީ ވަކީލުކަމުގެ ހުއްދައާ މެދު އަމަލު ކުރާނެ ހަރުކަށި އުސޫލުތަކެއް ބަޔާންކޮށް، ސަރުކާރުގެ ފާރާތުން ގާނޫނީ ފަންނުގެ ގާނޫނަށް އިސްލާހު ހުށަހެޅީ މިދިޔަ ޖޫން 1ގަ އެވެ. އޭގެ ހަ މަސް ފަހުން، މިއަދު މަޖިލީހުގެ މި އަހަރު ފަހު ޖަލްސާއަށް ބައެއް ބަދަލުތަކާ އެކު ޖުޑީޝަރީ ކޮމިޓީން ވަނީ ބިލު ފޮނުވާފަ އެވެ.

ތަފްސީލު - ގާނޫނީ ފަންނުގެ ގާނޫނަށް އިސްލާހު ގެނައުމުގެ ބިލު ފާސްނުވީ އެއާ ދެކޮޅަށް 49 މެންބަރުން ވޯޓު ދެއްވުމުންނެވެ. އެ ބިލާ އެއްކޮޅަށް ވޯޓު ދެއްވާފައި ވަނީ އެ ބިލު ދިރާސާކުރި ޖުޑީޝަރީ ކޮމިޓީގެ ދެ މެންބަރުންނެވެ. އެއީ:

ބިލު ފާސް ނުވުމުން، ދެން ވޯޓަށް އެހީ ކޮމިޓީއަށް އަނބުރާ ފޮނުވާލުމާ މެދު އެވެ. މި ބިލު ކޮމިޓީއަށް އަނބުރާ ފޮނުވާލީ 48 މެންބަރުންްގެ ވޯޓުންނެވެ. ބިލާ އެއްކޮޅަށް ވޯޓު ދެއްވި ސިރާޖާއި އަލީ ހުސައިން މި ވޯޓުގައި ބައިވެރިވެވަޑައެއްނުގަންނަވަ އެވެ.

ސަަރުކާރުން ބިލު ހުށަހެޅި އިރު ހުރި ބައެއް ހަރުކަށި އުސޫލުތައް ކޮމިޓީން ވަނީ ބަދަލުކޮށްފަ އެވެ. ސަރުކާރުން ބިލު ހުށަހެޅިއިރު، އިސްލާހުތަކުގައި ބުނެފައި ވަނީ:

ކޮމިޓީން ނިންމާފައިވަނީ، އެ ހަރުކަށި އުސޫލުތައް އުނިކޮށް، ބައެއް ބަދަލުތައް ގެނައުމަށެވެ. އަދި އަލުން ހުއްދަ ދިނުމުގައި ޖޭއެސްސީން ނިންމާފައިވާ ނިންމުމަށް ރިއާޔަތްކޮށް، ގޮތެއް ނިންމުމުގެ ބާރު ދީފައި ވަނީ ވަކީލުންގެ ބެލެނިވެރި އިދާރާ، ބާ ކައުންސިލަށެވެ. އެގޮތުން، ކޮމިޓީން ގެނެސްފައިވާ އިސްލާހުތަކުގައި ބުނެފައި ވަނީ:

މި އިސްލާހަށް އަމަލުކުރަން ފަށަން އޮތީ ރައީސް ބިލު ތަސްދީގުކުރައްވައި ގެޒެޓްގައި ޝާއިއުކުރައްވާ ދުވަހުން ފެށިގެންނެވެ.

ފާހަގަކޮށްލެވޭ ކަމެއް - މި ބިލުގެ އިތުރުން، ޖުޑީޝަރީ ކޮމިޓީން ދިރާސާކުރި، ފަނޑިޔާރުންގެ ގާނޫނަށް އިސްލާހު ގެނައުމުގެ ބިލު ވެސް މިއަދުގެ ޖަލްސާގައި ވަނީ އަނބުރާ ކޮމިޓީއަށް ފޮނުވާލާފަ އެވެ. އެ ކޮމިޓީގެ ގިނަ މެންބަރުންނަކީ ރައްޔިތުންގެ މަޖިލީހުގެ ރައީސް އަދި އެމްޑީޕީގެ ރައީސް މުހައްމަދު ނަޝީދަށް ތާއީދުކުރައްވާ މެންބަރުންނެވެ.