ޓިކްޓޮކްގައި ބަރަހަނާވި ނަބީލް 1 އަހަރަށް ޖަލަށްލާން ހުކުމްކޮށްފި

ޓިކްޓޮކްގައި ބަރަހަނާވި މުހައްމަދު ނަބީލް (ޔާޔާ ނަބީލް) ޖުމްލަ އެއް އަހަރާއި އެއް މަހާއި ހަ ދުވަހަށް ޖަލަށް ލާން ކްރިމިނަލް ކޯޓުން މިއަދު ހުކުމް ކޮށްފި އެވެ.

ވީ ކިހިނެއް؟ - ނަބީލްގެ މައްޗަށް އުފުލީ:

ތަފްސީލް - ނަބީލް ވަނީ އޭނާގެ މައްޗަށް އުފުލި ދައުވާތަކަށް އިންކާރުކޮށްފަ އެވެ.

ނަމަވެސް، ކްރިމިނަލް ކޯޓުން މިއަދު ކުރި ހުކުމްގައި ބުނީ ދައުވާއަށް އިންކާރުކުރި ނަމަވެސް، މައްސަލާގައި ދައުލަތުން ހުށަހަޅާފައިވާ ހެއްކާއި ގަރީނާއަށް ބަލާއިރު، އެކަށީގެންވާ ޝައްކެއް ނެތް މިންވަރަށް އެ ދައުވާ ޝަރީއަތަށް ސާބިތުވާ ކަމަށެވެ.

އޮރިޔާންކާޑު ހެދުމުގެ ކުށް ސާބިތުވެ އޭނާއަށް ކޯޓުން މިއަދު އިއްވީ އެއް އަހަރުދުވަހުގެ ޖަލު ހުކުމެކެވެ.

އޮރިޔާން ކާޑު އުފައްދައި އިންޓަނެޓް މެދުވެރިކޮށް އޮރިޔާން ކާޑު އާންމުކުރި މައްސަލައިގެ ތަހުގީގުގައި، ނަބީލް ދިރިއުޅޭ ގެ ފުލުހުން ބަލައި ފާސްކުރި އެވެ. އޭނާ ދިރިއުޅޭ ކޮޓަރީގެ އެނދުމަތީގައި އޮތް ލެޕްޓޮޕް ފުލުހުންގެ ބެލުމުގެ ދަށަށް ގެންގޮސް ތަހުލީލުކުރިއިރު އެ ލެޕްޓޮޕްގެ ހާޑް ޑިސްކުން އޮރިޔާން މަންޒަރު ދައްކުވައިދޭ ފޮޓޯ އާއި ވީޑިއޯ ވަނީ ފެނިފަ އެވެ.

ކްރިމިނަލް ކޯޓުން މިއަދު ކުރި ހުކުމްގައި ބުނީ، އޮރިޔާންކާޑު ގެންގުޅުމުގެ ދައުވާ ވެސް އެކަށީގެންވާ ޝައްކެއް ނެތް މިންވަރަށް ޝަރީއަތަށް ސާބިތުވެފައިވާ ކަމަށެވެ. އެހެންކަމުން، އެ ކުށުގެ އުގޫބާތެއްގެ ގޮތުން އޭނާ އެއް މަހާއި ހަ ދުވަހަށް ޖަލަށް ލާން ވަނީ ހުކުމް ކޮށްފަ އެވެ.