ހުޅަނގު މޫސުން ލައިގެންފި؛ ކުރިއަށް އޮތީ ގަދަ ދުވަސްތަކެއް

• އާއްމު ގޮތެއްގައި ހުޅަނގު މޫސުމަކީ މެއި މަހުން ފެށިގެން ޑިސެމްބަރު މަހުގެ ނިޔަލަށް

• ހުޅަނގު މޫސުން އާއްމުކޮށް ފެށެނީ، މެއި މަހުގެ ފުރަތަމަ ނުވަތަ ދެ ވަނަ ހަފުތާގައި ދެކުނުގެ އަތޮޅުތަކުން
  

• އެއަށް ފަހު، މެދުރާއްޖެތެރެއަށް އޭގެ އަސަރުކޮށް، މެއި މަސް ނިމުމުގެ ކުރިން މުޅި ރާއްޖެއަށް ހުޅަނގުގެ ވިއްސާރަ ފެތުރިގެންދޭ

• މި މަހު އެންމެ ބޯކޮށް ވާރޭ ވެހޭނެ ކަމަށް ލަފާ ކުރަނީ އުތުރުގެ އަތޮޅުތަކަށް
  

• ކަނޑުތައް މަޑުވާނެ ކަމަށް ލަފާ ކުރަނީ އަންނަ ހުކުރު ދުވަހުގެ ފަހުން
  

• ހުޅަނގު މޫސުން ނިމެންދެން، އެކި ދުވަސްވަރު މޫސުން ގޯސްވާނެ

މިއަދުގެ މޫސުން:

• މިއަދު ރާއްޖޭގެ ހުރިހާ ހިސާބުތަކަށް ވެސް މޫސުން ގޯސް

• ހެނދުނު އެންމެ ދެކުނުގެ އަތޮޅުތަކަށް ޔެލޯ އެލާޓް ނެރެފައި އޮތް ނަމަވެސް، މިހާރު މުޅި ރާއްޖެއަށް ވަނީ ވައިޓް އެލާޓް ނެރެފައި
  

• ޖުމްލަކޮށް ބަލާއިރު، މިއަދު މުޅި ރާއްޖެއަށް ގަޑިއަކު 19 މޭލާއި 24 މޭލުގެ ބާރުމިނެއްގައި ވައި ޖެހި، ކަނޑުތައް ގަދަވާނެ
  

ހުޅަނގު މޫސުން ފެށުނު ކަމަށް ބަލާ މިންގަނޑު:

• 1 މެއިގެ ފަހުން ދެކުނުގެ އަތޮޅުތަކަށް 2.5 މިލިމީޓަރު ނުވަތަ އެއަށް ވުރެ އިތުރަށް ވާރޭ ވެހުން

• އެ ގޮތުގައި ޖެހިޖެހިގެން ދެ ދުވަހަށް ވުރެ ގިނައިން ވިއްސާރަ ދިގުލައިގެން ދިއުން
  

• ވައިގެ މިސްރާބު ހުޅަނގު ދެކުނާއި ހުޅަނގާ ދެމެދު ހުރެފައި ގަޑިއަކު 10 ނޯޓިކަލް މޭލަށް ވުރެ ބާރަށް ވައި ޖެހުން
  

• އެ ގޮތުގައި ދެ ދުވަހަށް ވުރެ ދިގުލައިގެން ދިއުން