ދަނގެއްޗަށް އިތުރު ވައުދުތަކެއް: އިންޑަސްޓްރިއަލް ޒޯނަކާއި މޫދަށް އެރޭ ސަރަހައްދެއް

އދ. ދަނގެތި - މި ރަށު ރައްޔިތުން އެދޭ ގޮތަށް، އިންޑަސްޓްރިއަލް ޒޯންގެ ގޮތުގައި ބޭނުންކުރާނެ ސަރަހައްދެއް މި އަހަރުގެ ތެރޭގައި ސަރުކާރުން ހިއްކައިދީ، މޫދަށް އެރޭ ސަރަހައްދެއް ގާއިމުކޮށްދޭނެކަން ރައީސް އިބްރާހިމް މުހައްމަދު ސޯލިހު މިއަދު އިއުލާންކުރައްވައިފި އެވެ.

ވީ ކިހިނެއް؟ - އެމްޑީޕީގެ ރިޔާސީ ޕްރައިމަރީގެ ކެމްޕޭނަށް ރައީސް ސޯލިހު މި ރަށަށް ވަޑައިގަތުމުން އެމްޑީޕީގެ މެމްބަރުން ވަނީ އެ މަނިކުފާނަށް ބަނދަރުން މަރުހަބާ ކިޔާފަ އެވެ.

ވިދާޅުވީ ކީކޭ؟ - ދަނގެތި އިޖުތިމާއީ މަރުކަޒުގައި އެމްޑީޕީގެ މެމްބަރުންނާ މުހާތަބުކުރައްވަމުން ރައީސް ސޯލިހު ވިދާޅުވީ މި ރަށު ރައްޔިތުންނަށް ދިމާވެފައިވާ އެންމެ ބޮޑު ދައްޗަކީ ބަނދަރުގެ މައްސަލަ ކަމަށެވެ. އަދި ބަނދަރު ބޮޑުކޮށް، އިންޑަސްޓްރިއަލް ޒޯނު، ބަނދަރުން ހިއްކާ ބަޔަށް ބަދަލުކުރުމަކީ ކައުންސިލްގެ ޕްލޭންގައި އޮތް ކަމެއް ކަމަށް އެ މަނިކުފާނު ވިދާޅުވި އެވެ.

"އަޅުގަނޑުމެން، އިރާދަކުރެއްވިއްޔާ، މި ރަށުގެ ބަނދަރު މި އަހަރުގެ ތެރޭގައި ބޮޑުކުރާއިރު، ތިޔަ ބޭފުޅުން އެދިވަޑައިގަންނަވާ ގޮތަށް އިންޑަސްޓްރިއަލް ޒޯނަށް ބޭނުންވާ ބިން އެތަނުން އިތުރުކޮށް، އެ ޒޯން އެތަނަށް ބަދަލުކޮށްދޭނެކަމުގެ ޔަގީންކަން އަރުވަން،" ރައީސް ވިދާޅުވި އެވެ.

"އޭރުން މިހާރު އިންޑަސްޓްރިއަލް ޒޯނުގެ ގޮތުގައި އެ އޮތް ބިން، ކައުންސިލުން ރައްޔިތުން ބޭނުންވާ ގޮތަށް، ގޯތި ދޫކުރަން، ބޭނުންވާނަމަ އެކަން ކުރުމުގެ ފުރުސަތު ލިބިގެންދާނެ."

އެނގުން މުހިންމު - ރައީސް އެ ވިދާޅުވި މިހާރު މި ރަށުގައި އިންޑަސްޓްރިއަލް ޒޯނެއްގެ ގޮތުގައި ބޭނުންކުރާ ސަރަހައްދަކީ، ދޯނި އެހެލުމަށާއި ކުނި ގޮނޑުގެ ގޮތުގައި ބޭނުންކުރާ ސަރަހައްދެވެ.

ރައީސް ސޯލިހު އިތުރަށް ވިދާޅުވި ގޮތުގައި، ރާއްޖޭގެ ކޮންމެ ދިމާލަކަށް ބަލައިލިޔަސް، ތަރައްގީވަމުން އަންނަ ތަން އެބަ ފެނެ އެވެ.

އެ މަނިކުފާނުގެ ވާހަކަފުޅުގައި ދަނގެއްޗާއި މި ދާއިރާގައި ހިމެނޭ އެހެން ރަށްތައް ކަމަށްވާ އޮމަދޫ، މަންދޫ، ދިގުރަށް އަދި ދިއްދުއަށް މި ސަރުކާރުން ކޮށްދޭނެ ކަންތައްތަކެއް ވިދާޅުވެދެއްވި އެވެ. އެގޮތުން، އެ މަނިކުފާނު ރައީސް ވިދާޅުވި ގޮތުގައި: