އިސްލާމިކް މިނިސްޓްރީގެ ކައުންޓަރަކުން މި އަހަރުގެ ޒަކާތުގެ ފައިސާ ބަލައިގަންނަނީ. (ފޮޓޯ/އިސްލާމިކް މިނިސްޓްރީ)
ޒަކާތް ބަލައިގަންނަ ގަޑިތަކަށް ބަދަލު ގެނެސްފި
ފިތުރު ޒަކާތް ބަލައިގަންނަ ވަގުތުތަކަކަށް އިސްލާމިކް މިނިސްޓްރީން މިއަދުން ފެށިގެން ބަދަލު ގެނެސްފި އެވެ.
ވީ ކިހިނެއް؟ - މިނިސްޓްރީން މިއަދު ބުނީ، ގޮވާމުން ފިތުރު ޒަކާތް ބަލައިގަތުމާއި ބެހުން އަދި ފައިސާއިން ފިތުރު ޒަކާތް ބަލައިގަތުމަށް ހަމަޖެހިފައިވާ ގަޑިތަކަށް ބަދަލު ގެނެސްފައިވާ ކަމަށެވެ.
ތަފްސީލު - ގަޑިތަކަށް ގެނެސްފައިވާ ބަދަލުތަކަކީ:
ގޮވާމުން ޒަކާތް ބަލައިގަތުން:
-
މިއަދު - ހެނދުނު 10އިން ހަވީރު 5:15އަށް
-
މާދަމާ އީދު ދުވަހަށް ނުވެއްޖެ ނަމަ - ހެނދުނު 10އިން މެންދުރު 12އަށް
ގޮވާމުން ފިތުރު ޒަކާތް ބެހުން:
-
މިއަދު - ރޭގަނޑު 9އިން 10:30އަށް
-
މާދަމާ އީދަށް ނުވެއްޖެ ނަމަ - ހެނދުނު 10އިން މެންދުރު 12އަށް
މިނިސްޓްރީގެ ކައުންޓަރުން ޒަކާތް ބަލައިގަތުން:
-
މިއަދު - ހެނދުނު 10އިން ހަވީރު 5:15އަށް
-
މާދަމާ އީދަށް ނުވެއްޖެ ނަމަ - ހެނދުނު 10އިން މެންދުރު 12އަށް
ބަނޑޭރި ޕޯޓަލުން އޮންލައިންކޮށް ފިތުރު ޒަކާތް ބަލައިގަންނާނީ އެންމެ ފަހު ރޯދައިގެ އިރުއޮއްސި 6 ޖަހަންދެނެވެ.
އެނގުން މުހިންމު - ރޯދަ މަހުގެ 26ގެ ނިޔަލަށް ޒަކާތުގެ ގޮތުގައި 5 މިލިއަނަށް ވުރެ ގިނަ ރުފިޔާ ލިބިފައިވެ އެވެ.
ފިތުރު ޒަކާތް ބަލައިގަތުމަށް ހަމަޖެހިފައިވަނީ މިނިސްޓްރީން ކަނޑައަޅާފައިވާ ގޮވާމުގެ ބާވަތްތަކުގެ 2.4 ކިލޯއަށްވާ ފައިސާއިންނެވެ.
ޒަކާތު ދައްކަން ޖެހޭ މިންވަރު:
-
އާދައިގެ ހަނޑޫ - 12ރ.
-
ތައިލެންޑް ހުދު ހަނޑޫ - 77ރ.
-
ރަތް ހަނޑޫ - 72ރ.
-
ބާސްމަތީ ހަނޑޫ (އާދައިގެ) - 77ރ.
-
ބާސްމަތީ ހަނޑޫ (މޮޅު) - 90ރ.
-
ބާސްމަތީ ހަނޑޫ (އެންމެ މޮޅު) - 132ރ.
-
އާދައިގެ ފުށް - 12ރ.
-
އާޓާ ފުށް - 75ރ.