ކޮކާކޯލާގެ ޕްރޮމޯޝަންގެ ނަސީބުވެރިންނާ އެކު ބޭއްވި ހަރަކާތް

މި އަހަރު ގަތަރުގައި ބާއްވާ ވޯލްޑް ކަޕް މުބާރާތާ ދިމާކޮށް ކޮކާކޯލާ އިން މިދިޔަ މަހު 'އަންކެޕް، ބިލީވް، ފްލައި'ގެ ނަމުގައި ބޮޑު ޕްރޮމޯޝަނެއް ފެށި އެވެ. އެއީ ކޮކާކޯލާ، ކޮކާކޯލާ ޒީރޯ އަދި ސްޕްރައިޓް ފުޅީގެ ރަން މަތިގަނޑުގެ ދަށުގައިވާ ކޯޑު އެސްއެމްއެސް ކޮށްލައިގެން ބައިވެރިވެވޭ ޕްރޮމޯޝަނެކެވެ.

އެ ޕްރޮމޯޝަންގެ އެންމެ ބޮޑު އަދި ގިނަ މީހުން ބޭނުންވާ އިނާމަކީ ހުރިހާ ހަރަދަކާ އެކު ވޯލްޑް ކަޕް މެޗެއް ބަލާލަން ގަތަރަށް ދިއުމުގެ ފުރުސަތެވެ. ސީދާ އެ އިނާމު ހޯދަން ބައެއް މީހުން ގިނަ އަދަދަކަށް ކޯކު ފުޅި ގަނެ އެވެ. ގިނައިން ގަތުމަކީ އިނާމު ލިބުމުގެ ފުރުސަތު ބޮޑުވާ ކަމެއް ނަމަވެސް، މިދިޔަ ހަފްތާގައި ކޮކާކޯލާ އިން މާގިރި ހޮޓެލްގައި ބޭއްވި އިވެންޓުގައި ބައެއް ނަސީބުވެރި ފަރާތްތަކާ ބައްދަލުވެ، އެ މީހުން ދެއްކި ވާހަކަތައް މުޅިން ތަފާތެވެ.