އޭޑީކޭ ހޮސްޕިޓަލް. (ދައުރު ފޮޓޯ/އަބްދުﷲ ޔަޝާއު)
ގިނަ ހިދުމަތްތަކެއް ހިމެނޭ އޭޑީކޭގެ ހިތާނީ ޕެކޭޖު ތައާރަފްކޮށްފި
ގިނަ ހިދުމަތްތައް ހިމެނޭ އޭޑީކޭ ހޮސްޕިޓަލުގެ 'ހިތާނީ ޕެކޭޖު 2022'ގައި އާންމުކޮށް ރަޖިސްޓްރީވުމުގެ ފުރުސަތު މިއަދު ހުޅުވާލައިފި އެވެ.
ތަފްސީލު - މި ޕެކޭޖުގެ ދަށުން ހިތާނުކޮށްދޭން ހަމަޖެހިފައި ވަނީ 2 ޖުލައިން 4 އޮގަސްޓާ ހަމައަށެވެ.
އޭޑީކޭ އިން މިއަދު އިއުލާނު ކުރި އެ ހޮސްޕިޓަލުގެ ހިތާނީ ޕެކޭޖުގެ އަގަކަކީ:
-
ޖުމްލަ: 5،000ރ.
-
އާސަންދަ އިން ކަވަރުކޮށްދޭ ވަރު: 1،000ރ.
-
ދައްކަން ޖެހޭ އަގު: 4،000ރ.
އޭޑީކޭގެ ހިތާނީ ޕެކޭޖު
މި ޕެކޭޖުގެ ދަށުން ލިބޭ ހިދުމަތްތަކަކީ:
-
ޑޮކްޓަރަށް ދެއްކުމުގެ އެޕޮއިންޓްމަންޓް ހަމަޖެއްސުމާއި ޑޮކްޓަރަށް ދެއްކުން
-
ހިތާނުކުރަން އެޑްމިޝަން ހެދުމަށް ފަހު (ކުއްޖާ ކުޑަކަމުދިޔުމުން) ގެއަށް ފޮނުވާލުމާ ދެމެދު ކުރާ ބޭސްފަރުވާ
-
ކުއްޖާ ގެއަށް ފޮޮނުވާލާއިރު ދޭން ޖެހޭ ބޭސް
-
ގެއަށް ދޫކޮށްލުމަށް ފަހު ޑޮކްޓަރަށް ދައްކަން ހަދާ އެއް ކޮންސަލްޓޭޝަން (ފޮލޯއަޕް)
މި ޕެކޭޖުގައި ކެއިންބުއިމަށް ހިނގާ ހަރަދާއި ސާޖަރީއަށް ފަހު އެއްވެސް ކޮމްޕްލިކޭޝަނެއް ދިމާވެއްޖެ ނަމަ އެކަމަށް ހިނގާ ހަރަދު ކަވަރެއް ނުކުރާނެ އެވެ.
އެނގުން މުހިންމު - ކިއުއާރު ކޯޑު ސްކޭން ކުރުމުގެެ އިތުރުން އޭޑީކޭ ހޮސްޕިޓަލުގެ ވެބްސައިޓުން ވެސް މި ޕެކޭޖަށް ރަޖިސްޓްރީ ކުރެވޭނެ އެވެ. އަދި އިތުރު މައުލޫމާތު 1440 ނަންބަރަށް ގުޅައިގެން ހޯދޭނެ އެވެ.