ދެ ރަށެއްގެ ގޮނޑުދޮށް ހިމާޔަތްކުރަން އެމްޓީސީސީއާ ހަވާލުކުރުމުގެ އެއްބަސްވުމުގައި ސޮއިކުރަނީ. (ފޮޓޯ/ޕްލޭނިން މިނިސްޓްރީ)
2 ރަށެއްގެ ގޮނޑުދޮށް ހިމާޔަތްކުރަން 58 މިލިއަނަށް އެމްޓީސީސީއާ ހަވާލުކޮށްފި
ށ. ފުނަދޫ ގޮނޑުދޮށް ހިމާޔަތްކުރުމުގެ އިތުރުން، ގދ. ފިޔޯރީ ގޮނޑުދޮށް ހިމާޔަތްކޮށް އެ ރަށުގެ ބަނދަރު އަޕްގްރޭޑުކުރުމުގެ މަސައްކަތް އެމްޓީސީސީއާ މިއަދު ހަވާލުކޮށްފި އެވެ.
ވީ ކިހިނެއް؟ - ޕްލޭނިން މިނިސްޓްރީގައި މިއަދު ބޭއްވި ރަސްމިއްޔާތެއްގައި އެ މަސައްކަތުގެ އެއްބަސްވުމުގައި:
-
މިނިސްޓްރީގެ ފަރާތުން ސޮއިިކުރެއްވީ ޑިރެކްޓަރު ޖެނެރަލް ފާތިމަތު ޝާނާ ފާރޫގް
-
އެމްޓީސީސީގެ ފަރާތުން ސޮއިކުރެއްވީ ސީއީއޯ އާދަމް އާޒިމް
ތަފްސީލް - މިއަދު ސޮއިކުރި ދެ އެއްބަސްވުމުގެ ދަށުން:
-
ފުނަދޫ ގޮނޑުދޮށް ހިމާޔަތްކުރުމުގެ މަސައްކަތް ހަވާލުކުރީ ގާތްގަނޑަކަށް ނުވަ މަސްދުވަހުގެ ތެރޭގައި ނިންމާ ގޮތަށް، 20 މިލިއަން ރުފިޔާއަށް
-
ފިޔޯރީ ގޮނޑުދޮށް ހިމާޔަތްކޮށް ބަނދަރު އަޕްގްރޭޑުކުރުމުގެ މަސައްކަތް ހަވާލުކުރީ 400 ދުވަހުގެ ތެރޭގައި ނިންމާ ގޮތަށް، 38.9 މިލިއަން ރުފިޔާއަށް