ބ. ފުޅަދުއަށް ދިރާގު ފައިބާ އިންޓަނެޓްގެ ހިދުމަތް ތައާރަފު ކުރުން. (ފޮޓޯ/ދިރާގު)
ދިރާގު ހައި ސްޕީޑް ފައިބާ އިންޓަނެޓް ހިދުމަތް ބ. ފުޅަދުއަށް ތައާރަފުކޮށްފި
ދިރާގުގެ ހައިސްޕީޑް ފައިބާ އިންޓަނެޓްގެ ހިދުމަތް ބ. ފުޅަދޫއަށް ތައާރަފުކޮށްފި އެވެ.
ވީ ކިހިނެއް؟ - ދިރާގުން ފުޅަދުއަށް މި ހިދުމަތް ތައާރަފު ކުރީ އެ ރަށު ރައްޔިތުންނަށް އެއްވެސް އަގަކާ ނުލައި ލިބޭ އިތުރު އޮފާތަކާ އެކުގަ އެވެ.
ތަފްސީލު - ފުޅަދޫ ރައްޔިތުންނަށް ދިރާގުން ދޭ އޮފާތަކުގެ ތެރޭގައި ހިމެނެނީ:
-
ދިރާގު ފައިބާ ބްރޯޑްބޭންޑް ޕެކޭޖަށް އެޕްލައި ކުރާ ކަސްޓަމަރުންނަށް ހިލޭ ފައިބާ ގުޅައިދިނުން
-
ފައިބާއަށް ބޭނުންވާ ޚާއްސަ ރައުޓަރު ނުވަތަ އޯއެންޓީ ހިލޭ ލިބޭނެ
ދިރާގުން ބުނީ މިއީ އެންމެ ހަލުވި ސްޕީޑް އާއި އެންމެ ބޮޑެތި ޑޭޓާ އެލަވަންސްތައް ހިމެނޭ ތަފާތު ޕެކޭޖްތައް ހިޔާރު ކުރުމަށް ފުޅަދޫ ރައްޔިތުންނަށް ލިބޭ ރަނުގެ ފުރުސަތެއް ކަމަށެވެ.
އެނގުން މުހިންމު - ދިރާގުން ބުނާ ގޮތުގައި އެ ކުންފުނީގެ ފައިބާ ބްރޯޑްބޭންޑް ހިދުމަތަކީ ރާއްޖޭގައި މިހާރު ފޯރުކޮށްދެމުން އަންނަ އެންމެ ބޮޑު ފައިބާ ނެޓްވޯކެވެ. އެގޮތުން ދިރާގުން ބުނީ:
-
ރާއްޖޭގެ ގޭބިސީތަކުގެ %85އަށް މި ހިދުމަތް ފޯރުކޮށްދީފައިވާ ކަމަށް
-
އޭގެ ތެރޭގައި 88 ރަށް ހިމެނޭ
ދިރާގު
