ވިލިމާލޭ ފަރުގެ ސާވޭ ރިޕޯޓް އާންމުކުރުން ލަސްވަނީ އެފްކޮންސް އިން ޖަވާބުދާރީ ނުވެގެން: އީޕީއޭ

ގްރޭޓާ މާލޭ ކަނެކްޓިވިޓީ ބްރިޖު އެޅުމުގެ މަސައްކަތް ކުރަމުން ދަނިކޮށް ވިލިމާލޭގެ ފަރަށް އެރި އިންޑިއާގެ އެފްކޮންސް ކުންފުނީގެ ޕްލެޓްފޯމުން އެ ފަރަށް ލިބިފައިވާ ގެއްލުން ބަލަން ހެދި ސާވޭގެ ހޯދުންތައް އާންމުކުރުން ލަސްވަނީ އެ ކުންފުނިން މިހާތަނަށް ސާވޭގެ ރިފޯޓަށް ޖަވާބުދާރީ ވެފައި ނުވާތި ކަމަށް އީޕީއޭ އިން މިއަދު ބުނެފި އެވެ.

ބުނީ ކީކޭ؟ - އީޕީއޭގެ ޑިރެކްޓާ ޖެނެރަލް އިބްރާހިމް ނައީމް މިއަދު 'ދައުރު'އަށް ވިދާޅުވީ:

އެނގުން މުހިންމު - މީގެ ހަފްތާއެއް ދުވަސްކުރިން އީޕީއޭއިން ވަނީ ސާވޭ ނިމިފައިވާކަމަށް ބުނެފަ އެވެ. އަދި ސާވޭގެ ހޯދުންތަކާއެކު އެފްކޮންސް ޖޫރިމަނާ ކުރެވޭނެ ކަމަށް ބެލެވޭ އަދަދު ވެސް އާންމުކުރާނޭ ކަމަށް އޭރު ބުނެފައިވެ އެވެ.

ފަސްމަންޒަރު - ބްރިޖު ސާވޭ އާއި ތަނބުޖެހުމަށް ބޭނުންވާ ބޯހޯލްތައް ތޮރުފުމަށް ގެންގުޅުނު އެފްކޮންސްގެ ޕްލެޓްފޯމް ވިލިމާލޭގެ ފަރަށް އެރީ އެ ޕްލެޓްފޯމްގެ 'އެންކާ ސްޕަޑްތައް' ނުވަތަ ފައިތައް ގާއިމް ކުރަން އުޅެނިކޮށް، އެ ސަރަހައްދުގެ އޮއެ ގަދަވެގެންނެވެ.

ފާހަގަކޮށްލެވޭ ކަމެއް - އެ ޕްލެޓްފޯމް ފަރުމަތީގައި ހަފްތާއަކަށް ވުރެ ގިނަ ދުވަހު ތާށިވެފައި އޮތެވެ. އޭތި ފުން ނުކުރެވި އޮތުމުން ފަރަށް އިތުރު ގެއްލުން ލިބޭނެ ކަމަށް ބުނެ އާންމުން ކަންބޮޑުވުން ފާޅު ކުރި އެވެ. ލިބުނު ގެއްލުން ބަލަން އީޕީއޭއިން ސާވޭ ފެށީ، ޕްލެޓްފޯމް ފުން ކުރުމަށްފަހު، އެތަނަށް އެޅިފައި ހުރި ދަގަނޑު ހޮޅިތައް އެފްކޮންސްއިން ނަގައި ނިމުމުންނެވެ.

ޕްލެޓްފޯމް އަރާފައި އޮތް ސަރަހައްދަށް ޑައިވްކޮށްގެން ނަގާފައި ހުރި ފޮޓޯތައް އީޕީއޭއިން ވަނީ އާންމުކޮށްފަ އެވެ. ވިލިމާލެ ފަރުގައި ބޮޑެތި ވަޅުގަނޑުތަކެއް ހެދިފައިވާކަން އަދި ފަރުގެ ގާތައް ގޭނިފައި ވާކަން އެ ފޮޓޯތަކުން ފެނެއެވެ. ފޮޓޯތައް އާންމުކުރަމުން އީޕީއޭގެ ޑިރެކްޓާ ނައީމް ވިދާޅުވެފައި ވަނީ ފަރަށް ބޮޑު ގެއްލުމެއް ވެފައި ހުރީ ޕްލެޓްފޯމްގެ ފައިތަކުން ކަމަށެވެ.

ޓައިމްލައިން:

އެނގުން މުހިންމު - ތަރައްގީގެ މަޝްރޫއުތަކަށް ބޭނުންކުރާ ބޮޑެތި އުޅަނދުތައް، މީގެ ކުރިން ވެސް ރާއްޖޭގެ ފަރުތަކަށް އަރައި ބޮޑެތި ގެއްލުންތަކެއް ލިބިފައި އެބަ ހުއްޓެވެ. އެގޮތަށް ތިމާވެއްޓަށް ގެއްލުން ވެއްޖެ ނަމަ އީޕީއޭއިން އެތަނަކަށް ޑައިވްކޮށްގެން ސާވޭކޮށް، ގެއްލުން ހިސާބު ކުރެ އެވެ. އަދި ގެއްލުންވި ވަރަށް ބަލައި އެ އުޅަނދުތަކުގެ ވެރިފަރާތްތައް ޖޫރިމަނާ ކުރެ އެވެ.