ލިންކްސާވްގެ 'ޕްރޯ އެޗުއާރު': ރާއްޖެއަށް ހާއްސަ އެޗުއާރު މެނޭޖްމަންޓު ސޮފްޓްވެއާއެއް

ޕްރޯ އެޗުއާރްއަކީ ހިއުމަން ރިިސޯސް މެނޭޖްމަންޓަށް އަމާޒުކޮށް ރާއްޖޭގެ ލީޑިން އެއް އައިޓީ ކުންފުނި ލިންކްސާވުން ތައާރަފްކުރި ސޮފްޓްވެއާއެކެވެ. މި ސޮފްޓްވެއާ ޑިވެލޮޕްކުރީ ދިވެހި، ހުނަރުވެރި ޑޮވެލޮޕަރުންގެ ޓީމަކުންނެވެ. އަދި އަމާޒުކޮށްފައިވަނީ ރާއްޖޭގެ ވަޒީފާގެ މާހައުލަށެވެ.

މި ސޮފްޓްވެއާއަކީ ކުދި، މެދު އަދި ބޮޑެތި ވިޔަފާރިތަކަށް މުވައްޒަފުންގެ ހިއުމަން ރިސޯސަސްއާ ގުޅުންހުރި ކަންތައްތައް މެނޭޖުކުރުމަށް ހާއްސަކޮށް ފަރުމާކޮށްފައިވާ ސޮފްޓްވެއާއެކެވެ.

މުހިންމު ބައެއް ސިފަތައް:

މި ސޮފްޓްވެއާގެ ޕެކޭޖުތައް ބަހާލާފައިވަނީ އެކި ބޮޑުމިނުގެ ވިޔަފާރިތަކަށް އެކަށީގެންވާ ގޮތަށެވެ. އެގޮތުން 50 މުވައްޒަފުންނާ ހަމައަށް، 51-100 މުވައްޒަފުންނަށް، 101-200 މުވައްޒަފުންނަށް، 201-1،000 މުވައްޒަފުންނަށް އަދި 1،000 އަށްވުރެ ގިނަ މުވައްޒަފުން ތިބޭ ކުންފުނިތަކަށް ވަކިވަކި ޕެކޭޖުތައް ލިބެ އެވެ.

މިގޮތަށް ވަކިވަކި ޕެކޭޖުތައް ފަރުމާކުރުމުގެ މަގުސަދަކީ ކުންފުނިތަކުގެ ކުޑަބޮޑުމިނަށް ބަލައި، އެ ކުންފުންޏެއްގެ ބޭނުންތަކާ އެއްގޮތަށް އެ ސޮފްޓްވެއާ ބޭނުންކުރުމުގެ ފުރުސަތު ފަހިކޮށްދިނުމެވެ.

ބުނީ ކީކޭ؟ - ލިންކްސާވުން ބުނާ ގޮތުގައި ޕްރޯ އެޗުއާރްއަކީ އެއްކޮށް ކްލައުޑް ބޭސްޑް ސޮފްޓްވެއާ އެކެވެ. މި ސޮފްޓްވެއާގެ މޮބައިލް އެޕްލިކޭޝަނުން އިތުރު ފަސޭހަކަމެއް ލިބޭނެކަން ފާހަގަކޮށް އެ ކުންފުނިން ބުނީ އޭގެ ސަބަބުން ކޮންމެ ތަނެއްގައި ހުރެގެން ވެސް މުވައްޒަފުންގެ މައުލޫމާތު ބަލައި، އަޕްޑޭޓު ކުރެވޭނެ ކަމަށެވެ.

ޕްރޯ އެޗުއާރުގެ ސަބަބުން ރާއްޖޭގެ ވިޔަފާރިތަކަށް އެ ތަންތަނުގެ މުވައްޒަފުންގެ އެޗް.އާރ ގުޅުންހުރި ކަންތައްތައް މެނޭޖްކުރުމަށް ބޮޑު ފަސޭހައެއް ލިބިގެންދާނެކަމަށް ލިންކްސާވްއިން ބުނެ އެވެ. އެ ކުންފުނީގެ އުންމީދަކީ މި ސޮފްޓްވެއާ ބޭނުންކޮށްގެން ވިޔަފާރިތަކަށް އެ ތަންތަނުގެ އެޗުއާރު ވަސީލަތްތައް އެންމެ އެދެވޭ ގޮތުގައި ބޭނުންކުރެވި، މުވައްޒަފުންގެ އުފެއްދުންތެރިކަން އިތުރުކުރަން މަގުފަހިވުމެވެ.